السلام عليكم

اليانسون
او رضعه اليانسون
من الاعشاب اللي يستخدموها للطفل للمغص او غيرها
المشهور عدنا هو اليانسون العادي و هو امين نوعا ما بس لا يتسخدم بكميات كبيره يعني نصف ملعقه شاي بالمره و مو اكثر من مرتين او ٣ مرات باليوم
ولو اني ما افضله
و لا احبه
و لا اوصفه
و افضل فقط حليب باول ٤ اشهر
بس كاعد يستخدموه
فاذا ما تحبون تنطوه هاهيه لا تنطوه و اشد على ايدك و اؤيدك
و كوني متابع جيد للاعشاب و العطاريات و احب اخذ المعلومه الجيده منها
متوفر في بعض العطاريات يانسون نجمي
هذا اليانسون يكون يشبه النجمه
و يسموه اليانسون النجمي او اليانسون الصيني او الياباني
هذا ممنوع استخدامه للرضع بامريكا لكثره عدد حالات التسمم العصبي بيه
لذلك انتبه اي يانسون كاعد تشتري
عجبتني هذه الصوره من صفحه عطاريات عراقيه و كاتب بالاخير المحاذير
هذا البوست موجه كذلك لاهلنا اللي بامريكا لان يستخدم هناك بكثره
هذا اليانسون غير اليانسون مالتنا فاحذروا منه
د. سيف سمير البياتي اخصائي طب الاطفال