السلام عليكم ورحمة الله
دكتور لدي طفلة بعمر عشر سنوات تعاني من ازمات من الفهگة او ما تسمى بأم العوافي تستمر يوم او اكثر مما يسبب الم لها في الصدر جربنا العديد من الحلول المنزلية مثل تمارين او اكل شيء حلو او شيء حامض لكن الاكل لا يجدي نفعا و التمارين بعضها لا يفيد وبعض يعطي مفعولا لمدة ربع او نصف ساعة .. مع العلم انها تصاب بهذا الحالة بحدود ثلاث الى اربع مرات بالشهر واحيانا اكثر مع الحل وهل تنصحني بالذهاب لطبيب معين مع الشكر الجزيل
اذا تقصدون الشهكة ( حسب ما نسميها بمنطقتنا ) فهاي بيها اسباب هواية
انتفاخ المعدة بالاكل الكثير
المشروبات الغازية
الالتهابات
الشد النفسي
القلق
التمثيل
الامراض العصبية
وووو الخ
هواية هواية اسباب تسبب هاي الشهكة
حتى نعرف يا سبب منهم مسوي لطفلتكم هاي الشهكة
لازم تاخذوها لطبيب اطفال، من خلال الفحص السريري والتاريخ المرضي و احتمال تحاليل مختبرية راح يكدر يوكع عالعلة ويعرف السبب الي يخليها تعاني من هالمشكلة
ان شاء الله ماعدها غير العافية