مرحبا دكتور
دكتور اني عايشة بكندا واريد استفسر منك
بنتي عمرها 11 شهر وعدها انبوب تغذيه
السبب هو فشل النمو من جان عمرها اربع اشهر خلو الها ولهسة ابد مقبلت تشرب ممة ومترضع من صدري هوايه بس تنام لان هم جانت مريضة فكمت اسحب من صدري واحط بالممة بس هم متشرب كمية فصار فشل بالنمو
ماطولها عليك هسة بلشنا نقلل من الحليب بالانبوب مال تغذيه علمود تاكل
بعدها الكمية كلش قليلة التاكلها وتضل جوعانة الا ان اشغل الحليب بالانبوب ومتقبل تشرب الحليب بالممة
شنو نصيحتك حتة نخلص من انبوب التغذيه وتاكل بكميه انو يزيد وزنهة
اني ماريدهة سمينة بس اريد تاكل اكل مغذي ويخلي وزنهة طبيعي بلا حاجة لانبوب التغذيه
واهنا بكندا كلش عدهم شائع فشل النمو
انتضر ردك دكتور وشكرا جزيلا
ماعدها غير العافية ان شاء الله
بعمر 11 شهر، لازم اكو سبب لأنبوب التغذية غير فشل النمو
يعني ليش الطفل دياخذ الاكل بأنبوب تغذية هل اكو مشكلة بالبلع لو شنو
ماكدر انصحكم بدون فحص سريري للطفل حتى افتهم ليش مخليله انبوب تغذية اذا هو ياكل ويكدر يبلع
بخصوص انبوب التغذية المفروض من يوصل وزنه للحد الطبيعي ينشال اذا ماكو مشكلة بالبلع ، وطبعاً يتبدل كل اسبوع الى 10 ايام