السلام عليكم دكتور
ابني عمره ٥ ايام وزنه ٣ كيلوات وعنده ابو صفار نسبته ٨
وديناه للدكتور كال لازم رضاعه طبيعيه واول مولدته حليب ماعندي فكال عادي حليب ممه وياه هم الرضاعه الطبيعيه حاليا نزل عندي الحليب بس الطفل نهائيا ميقبل ياخذ حليبي من ياخذه يصرخ صراخ فضيع ياخذ بس الممه
وماعرف شنو السبب
وحتى مرات اشوفه من تريد تطلع بطنه هم نفس الصراخ
اريد اعرف شنو سبب هالصراخ
سبب الصراخ ماممكن الواحد يعرفه بدون فحص سريري .. بالنسبة للحليب تكدرون تسحبوه وتخلوه بالممية ك أفضل حل بدلاً من الحليب الصناعي
من بعد رخصة الدكتور
اتمنى تشوفين اجابتي عزيزتي
مادام نزل حليب عندج سوي مثل مكال الطبيب اشفطي وانطي
اني نفس حالتج واشتريت جهاز شفط كهربائي وكمت اشفط حليب واخلي بالممه وانطي لطفلي طبعا بيها هواي تعليمات لخزن الحليب يعني تشفطين وتنطين واذا تصير كميه عندج اكثر من مميه ف تخزنيها بالثلاجه صالحه لمدة ٣ ايام وتكدرين تحطيها الممه بمي دافي حتى تنطيها وراها للطفل حتى لو تنطين رضاعه مختلطه اذا ميكفي بس المهم يشرب الحليب الطبيعي حتى لو بطريقه غير مباشرة عن طريق الشفط لان هذا ذهب رح يقوي مناعته صح موضوع حيكون متعب عليج بس هواي رح يستفاد اكو هواي انواع جهاز شفط كهربائي لتاخذين يدوي تتعبين اني اخذت كهربائي ويكون دبل يسحب بنفس الوقت من الثدي الايمن والايسر .والشفط رح يزود كمية الحليب اكثر .