دكتور بخصوص تكميط الطفل
اني ابني اليوم قبط 5 أشهر وصارله فتره تقريبا شهر يضوج من الكماط ميريده ، مره يقبل يتكمط ومره يبجي ميريده ، واني حيل اضوج من الكماط واتمنى يتركه نهائي ، بس بنفس الوقت اسمع كلام من الكبار ان اذا تركه راح تصير عظامه راخيه و رجليه مقوسه وبعدين تتندمين ومن هالحجي واني حايره ماعرف هالحجي صح او خطا
صحيح اذا تركه بهذا العمر ممكن تتقوس رجليه او عظامه تنعوج لو ماله صحه هالكلام
والشي الثاني من ينام بدون كماط يحب ينام على بطنه
الليل كله هو نايم على بطنه و اكلبه على ظهره و يرجع بنفس اللحظه يندار على بطنه الا هيج يلا ينام
واني اخاف عليه ليختنك او خاف يأثر هالشي على صدره خاف ميتحمل هيج ينام فتره طويله لو ماعليه شي
القماط ما يقوي العظام ، هاي خرافة
القماط فوائده الدفئ للطفل و النومة الهادئة فقط اما قوة العظام او تقوسها فما يفيد ابد ، واصلا من مضار التقميط الي يشدون بيه الارجل قوي يسبب خلع بالمفصل مال الورك يعني هو يضر العظام مو يفيدها
– اما بخصوص النومة، فأكيد النومة على الظهر هي الافضل و الاسلم بهيج عمر لأن على البطن ممكن تسببله اختناق مثل ما كلتوا