سلام عليكم دكتور
ابني صارله ١٧ يوم من انولد ومن اول يوم عده خنفرة صوت بخشمه وبلغم يعني من يتقيأ اكو لزوجة بالقيئ واحيانا يتقيأ الرضعة كلها بسبب البلغم هو يرضع صناعي لأسباب خاصة هل هذا البلغم والصوت شي طبيعي لو لا ؟ وشنو علاجه مرات اطفي التبريد اخاف منشول فيطلع منه هالصوت اطفي السبلت لو عادي ؟
سؤالي الثاني
حاليا راح يكمل ثلاث اسابيع كل شكد يحتاج انطيه رضعة وشكد كمية الرضعة الوحدة ؟ لان دا انطيه ٦٠ ملم ( رقمين ومكيالة ) بس مرات ميشبع وارجع اسويله ٣٠ ملم (رقم ونص مكيالة ) حليبه سيميلاك كومفورت
١- الخنفرة يحتاجلها فحص سريري حتى الواحد يتأكد من سلامة الرئة
اذا سليمة وماكو مشكلة والامر مجرد افرازات داخل الانف فيتنظف الانف بقطرات ملحية ( تباع في الصيدليات) مع شفاطة منظفة للانف
سبب الافرازات اما عدوى فيروسية مثل نزلة البرد وامثالها او تحسس نتيجة عطور او دخان طبخ او سگائر
٢- اذا فعلا اكو بلغم وعنده سعال فهذا اكيد يخلينا نكوللكم انه يحتاج فحص سريري نتأكد من سلامته من التهابات الرئة بالسماعة والفحص السريري
٣- التقيؤ بيه اسباب هواية تبدأ من البسيط ( كثرة الرضاعة الزايدة و ارتخاء بوابة المعدة ) الى الخطير وهذا كله يحتاج فحص سريري للتمييز بينهم
٤- فيما يخص متى ترضيعه ، على حاجته
تابعي تصرفاته من يجوع حتى تعرفين العلامات الي تدليج انه الطفل جوعان
اما الي دتسويه ف اعتقد غلط
كل رقم ماء ( ٢٨ مل ) يحتاج الى مكيالة حليب اعتيادية عدا شركة وحدة مكيالتها أكثر و ذاكرين بتعليمات العلبة انه كل ٦٠ مل مكيالة واحدة
اذا كان الماء اكثر من الحليب خطأ
واذا كان الحليب أكثر من الماء فخطا
الا في حالات قليلة نوصي المريض بعكس الطريقة المعروفة لأمور علاجية
او لانه شركة الحليب هي ذاكرة هذا الشيء على علبة الحليب