دكتور ابني عمرة ١٧ يوم صار فترة يطلع خروجه مرة وحدة باليوم طبيعي هالشي لو لا ؟ بس يدرر هواي كل اربع ساعات تقريبا اغير الحفاظة
شنو رأيك بالتقميط الكامل ايدين ورجلين الطفل وهل صحيح يسبب خلع بالمفصل ؟ احجيلنه عن التقميط الصحيح بلا زحمة
شنو استخدم من وسادة لراس الطفل حته ميصير مسطح ؟ مع العلم اني اغير نومته كل فترة بس هو يميل لجهة معينه شنو اسوي حته ميتسطح راسه ويميل لجهة معينه
شوكت أبدي اخليه دقائق ع بطنه وشنو الفايدة من هالشي ؟
١- خروج الطفل عادي يطلع مرة وحدة باليوم طبيعي هالشي
٢- الادرار جدا طبيعي ودلالة على انه رضاعته زينة
٣- التقميط بالشتاء يدفي الطفل و بالصيف اذا حارة يفضل بدونه، التقميط الصحيح بدون شد الرجلين يعني تبقى براحته يحركهم حتى ميصير خلع بالمفصل ويساعد على نوم هادئ للطفل
٤- الوسادة ممنوعة عالاطفال تحت عمر السنة لانها تسبب الاختناق
٥- بخصوص النومة عالبطن مو هسة لمن يكبر ويبدي يرفع راسه ويسيطر عليه تخلوه وتحت اشرافكم في حال كان عنده مغص او غازات بس ما يصير تغفلون عنه حتى لا يختنق