عن اللقاح واصابه الاطفال

الحافظ على الطفل من الاصابة الثانية عن طريق الوقاية ، يعني لا تخلون اي شخص عنده اعراض يتقرب منها ويبوسها ، البالغين الي وياها يلبسون كمامة لمن يتعاملون مع الناس الغرباء او الضيوف .. لأن العدوى لهاي الطفلة تجي من الام او الاب او الي يختلطون بيها ، فاذا الام والاب ما تعرضوا للاصابة منين تجيها العدوى الا اذا من اقاربها الي بالبيت ، فالتزام البالغين بالوقاية وتلقيحهم يحميها من العدوى
– حالياً ماكو دراسات بخصوص الجرعة الثالثة تؤكد او تنفي فائدتها، بس اكو دول بدأت تاخذ جرعة ثالثة من فايزر كتعزيز للمناعة
– الاطفال مناعتهم قوية عادة يكتسبون مناعة و حتى لو يرجعلهم الالتهاب فيرجى اضعف و اعراضه اقل لأن عدهم غدة قادرة على انتاج الاجسام المضادة بسرعة
– اي ممكن تنصابون مرة ثانية لكن اخف، لذلك التزموا بالوقاية، واذا كانت الاصابة الثانية اشد فمعناها هذا متحور جديد وليس نفس المتحورات القديمة
– الاهل ما انصابوا حسب مناعتهم ، احيانا بنفس العائلة الكل تنصاب عدا شخص واحد، اما ما تعرض لحمل فيروسي او مناعته كانت جاهزة للقضاء على الفيروس