اعادة ارسال رساله قديمه من عدة اشهر حاولت ابعثهه عالانستكرام لكن محصلت رد اعتقد لكثره الاستفسارات والزخم عالinbox
(مرحبه دكتور سلمان
عندي استفسار وياريت تكدر تساعدني بالجواب
صارلي فتره اريد اعرف عن حالات ال talipes equinovarus or the club foot بالعراق
شكد نسبة الحالات؟ وشنو سستم العلاج؟ ووين يتم العلاج؟ وهل هي على التأمين الحكومي لو على نفقة المريض الخاصه؟
شكراً جزيلاً مقدماً
رند)
اهلا وسهلا بيكم .. ماعدنا اي احصائيات عن هاي المواضيع
المريض بمجرد انه نشوف عنده club foot كأطباء اطفال نحاول نسوي فحوصات عامة نبحث عن تشوهات ولادية اخرى
اذا كلشيء سليم يتحول الى طبيب الكسور لمتابعة الحالة والعلاج
طبعاً هاي التجربة تختلف من مكان لمكان.. بمكان عملنا
نحوله لأخصائي الكسور ونتيجة الزخم على الاستشارية المريض تلقائياً يذهب للعيادة
فيعني الحكومة مو بكل مكان دتستطيع توفر علاج لهاي الحالة
والعلاج بالعيادة او حتى بالاستشارية يتم حسب رأي اخصائي الكسور وتقييمه
ما عدنا اطلاع على اجراءاتهم لأنه المريض عادة ما نشوفه مرة لخ يبقى وياهم يتابع