- دكتور اذا شخص عنده ربو من متوسط الى حاد وحساسيه وانصاب بكورونا شكد اصابته تكون وقويه،لو لا اني ظهرت عليه اعراض فقدان الشم والتذوق وارهاق واني من قبل عندي ضيق بالتنفس وهسه اكثر دكتور ارجوك جاوبني جواب علمي صح هي الله واعلم بس اصابات كورونا اللي اجتكم الاهل الربو هم قويه ؟
مصابه بكورونا
شارك
ما معلوم هالشيء كل شخص تختلف مناعته عن الاخر
يعني اكو ناس عدهم عجز قلب و سكر و ضغط و جلطات وذبحات و انصاب بكورونا وعبر منها سلامات
واكو ناس ماعدهم شيء ووكعوا بيها
كورونا فيروس غير متوقع وما معلومة شدة اصابة الشخص لحين ما تحدث وتتم متابعة الشخص
طبعاً انت كشخص مصاب بالربو المفروض تكون ملتزم بالبخاخات الخاصة بعلاجك لحين الوصول الى السيطرة التامة على مرض الربو بحيث تعيش حياة طبيعية بدون تنك او نوبات ضيق نفس
حالياً راجع طبيب باطنية يقيم حالتك ويتابعها و اذا تشافيت يتابع السيطرة على الربو الي عندك حتى تعيش حياة طبيعية