مرحبا دكتور
عندي طفلة عمرها ٤ سنوات وزنها ١٤ كيلو عدها حساسية لاكتوز عندها شحوب بالبشرة وتعب علما عرضتها على اطباد واخر حل انو انطيها حديد وريدي ياريت تنطيني اسم مكمل غذائي بي حديد وفيتامينات مابي اثار جانبية وينقذها وشكرا جزيلا
نقص وزن و حساسية لاكتوز وشحوب بالبشرة
شارك
بداية ماعدها غير العافية ان شاء الله
بهيج حالات عادات نسوي تحليل صورة دم كاملة
نشوف عدها فقر دم لو لا
اذا عدها فقر دم .. من خلال الصورة ناخذ فكرة عن المسببات المحتملة
نرسلها على ضوء هذه الفكرة الى تحاليل اخرى لبيان السبب فاذا طلع بالتحاليل نقص حديد
نوصفلها شراب حديد ( فقط حديد مو مكملات غذائية كاملة ) لمدة شهر ثم ترجع
نسويلها تحليل مرة لخ ، اذا زايد نسبة دمها درجة معناها احنا ماشين بالطريق الصحيح
اذا ما زايد دمها ، نبدي نسأل ونشوف وين الخلل
هل الاهل مو ملتزمين بالعلاج
هل الطفلة تشرب جاي هواية
هل الطفلة عايشة عالحلويات
يعني نحاول نشوف السبب شنو لهيج ما استفادت
اذا مستفادة فنكمل شهرين على نفس العلاج وكل المشكلة تنحل على شرط تحسين اكل الطفلة ومنعها من الحلويات تماما والشاي ايضاً
اذا كان الطفل من النوع الي ميستجيب للشرابات الي بيها حديد فلازم نتحول وياه الى الحديد الوريدي داخل المستشىفى وتحت اشرافنا حتى لا يصير عنده تحسس
فيعني الشراب الي انت تريده احتمال بس يضيع وقتكم
راجع اقرب طبيب اطفال والتزموا وياه حتى تنحل مشكلة الطفلة