السلام عليكم
ابني عمرة حيصير ٤ سنوات ه
بالفترة الاخيرة اكتشفت عندة هشاشة العظام
وديتة لطبيب عظام و تبين عندة هشاشة و نقص كالسيوم من خلال التحاليل و الاشعة
وصفلي فيتامين دي و شراب كالسيوم و مجموعة معادن
لكن ديعاني من وجع بطنة
و العجيب قبلا اكتشف عندة هشاشة
انو هوة دائما يشرب حليب ابو القصبات يعني اشتريلة صناديك لان ميلحك عليه شلون صار عندة هشاشة ما ادري
السؤال
ليش عندة هشاشة هيج فجئة
و شنو الحل لوجع البطن بسبب الدواء
شكرا جزيلا
هشاشة العظام من المواضيع الي اسبابها هواية .. بيها انواع مرضية وانواع نقص غذاء وانواع خلل بعمل الجسم ووو الخ
الاخصائي الي شخصه لازم يكوللكم السبب الي وصله لهاي الحالة من هشاشة العظام
يعني هل السبب خلل بالتغذية لو السبب قلة تعرض للشمس ووو الخ من الاسباب
بخصوص العلاج الي يسوي عنده ألم بالمعدة ف لازم اشوفه حتى اعرف بسببه لو لا واذا بسببه فالحل اكيد استبداله او تركه حسب استشارة الطبيب المعالج الخاص بيكم