سلام عليكم دكتور قبل كم يوم بنتي جتها سخونة عادية يعني اكثر شي ارتفع 38.5وهي عمرها ست سنوات عادي بس انطيتها خافض حرارة وجان ينزل طبيعي ًويبقى نازل لحد 6ساعات وراها يصعد هم انطيها تنزل بس عدت الف حمدلله وكانت المدة يومين وهسه ابني لزما سخونة عالية بحيث توصل 40.1واسويلا كمادات وخافض حرارة يلا تنزل ل38 بس فد ملاحظة هذا ابني من البداية هيج يعني من يسخن سخونة عادية كبل توصل 39.4 كلش خايفة علي بس ماكو بينا احد مصاب والف حمدلله واني زوجي وياهم 24ساعة اني ملقحة وهو لا يعني لو كورونا جنا ننصاب احنا هم!لو موشرط
اسباب ارتفاع الحرارة هواية من ضمنها الالتهابات الفيروسية والبكتيرية بمختلف انواعها
ممكن يكون فيروس نفسه اصاب الاول ثم انتقل للثاني
هالفيروس ممكن نفسه كورونا وممكن غير شيء
عادة ارتفاع الحرارة ميصير الاهل يتعاملون وياها على انها شيء بسيط بلا فحص سريري للطفل من قبل الطبيب للاطمئنان على حالة الطفل وصحته
اذا كان السبب فيروسي وبسيط فخافضات الحرارة تكفي
اما اذا بكتيري او استمر ارتفاع الحرارة فهنا لازم طبيب يفحص المريض ويدخله مستشفى
الافضل طبعا
الفحص السريري اولاً
ثم المعالجة حسب نتيجة الفحص السريري والمختبري للطفل
مدام حرارته دتوصل 40 .. معناها اكو مشكلة لازم نشخصها اولاً ثم ننطي العلاج
اخذوه لأقرب مؤسسة صحية