عدنه طفله مصابه بالسكر وتأخذ جرع انسولين الصبح وبليل بالفتره الاخيره يحللون يلكون السكر طبيعي لحد الاربعه العصر يصعد ٤٠٠ وينطوها انسولين ويرجع طبيعي يعني هم صار خربطه بموعد الجرعه وهم قللو الجرعه مال الانسولين اقل من قبل جانت ٢٠ صارت ٦ يعني اكو أمل انه بنكرياسها بده يتعافى اكو أمل يروح السكر نهائيا
وعليكم السلام .. ماعدها غير العافية ان شاء الله
للاسف والله، البنكرياس ما ممكن يتعافى
اذا تشخيصها بالسكر جديد ، فهاي عالاكثر حالياً بفترة يسموها ( شهر العسل )
الي بيها البنكرياس يتدمر جزء منه
فيصعد السكر عالي
بعد فترة الجزء المتبقي يتضخم حتى يعوض فقدان الجزء المتدمر
فيستقر السكر
ثم بعد فترة يتدمر جزء اخر
فيصعد السكر
وبعدها الجزء الي بقى ايضاً يتضخم حتى يعوض فقدان الجزء المتدمر
فيستقر السكر
نهاية هاي السلسلة هي تدمر خلاياً البنكرياس نهائياً بدون رجعة
الي انصحكم بهاي الفترة هو انه تبقون متابعين سكرها حتى تمنعوه انه يصعد لدرجة عالية تسببلها احمضاض كيتوني بنفس الوقت تحموها من هبوط السكر
لحين ثبات السكر بعد ما يتفلش البنكرياس تماما
حالياً اخر ما توصل اليه العلم .. مضخة خارجية تخلون بيها انسولين هي تقرأ السكر وهي تضرب الكمية المناسبة، عيب هاي المضخة هو سعرها الغالي ومتوفرة ببغداد تكدرون تشوفون اسعارها
بالجديد بس بعده ما منتشر، ديحاولون يصنعون الانسولين بشكل حبوب او بشكل بخاخ او بشكل انسولين كل 6 ايام مرة ينضرب . ف إن شاء الله بالسنوات القادمة نشوف شيء مفيد للبشرية