مرحبا دكتور
ابني الصغير عمره سنتين و ٩ اشهر
لهسة ميحجي شي مجرد كلمات بسيطة اني افتهم عليه.يحجي اشارات ووكلمات مخربطة.يعاند يتعلم اذا اعلمه او اكله كول كذا كلمة ميقبل يظل يضحك ويلعب ميقبل
عالرغم هو يفتهم كل التوجيهات ويفتهم الحجي اذا ادزه او نحجي شي ويا بس حجي ماكو.
ايضا كدام ااناس كدام الكل (اني امه وابوه واخوه وبيبيته وجده) ميحجي لو شو شيصير مايحجي لو شمايحاجوه وينطخون بيه ماكو اذا كلش يبتسملهم
هو عود يستحي
ف الحل شنو ؟ ان شالله جوابك يطمني
هذه المواضيع معقدة تتطلب علاج طويل المدى وصبر
راح انسخلكم نصائح تساعدكم بخصوص هالموضوع
————-
ابدا لا تكرر ما يقوله طفلك من أخطاء
لان ما راح يتعلم عليها و لا راح يتعلم يصلحها
مثلا من يكول ددو يقصد جدو كوله اي شبيه جدو
تعالوا بهذا البوست نتعلم شون نرد على الطفل من يخطأ
1. الحاله الأولى :
مثلا كال تاله يقصد برتقاله
كوليله اي برتقاله طيبه
البرتقال عينن كره
البرتقال طيب
هذا من اسهل الطرق لتعليم بعض الصفات و الالوان
2. الحاله الثانيه
نطق الكلمه مجزئه يعلمه جدا
مثلا يكول فاحه يقصد تفاحه
ان تكوله توو….فاحه مو فاحه توو…فاحه
3. المسامحه بالخطأ
مثلا حال اووز بمكان مووز
كوله عفييييه موووز
صححله بطريقه ما يمل
طريقه تشجيعيه
4. ابدا لا تصلح بطريقه عنيفه
مثلا من يكول ددو يقصد جدو
لا تكوله لا خطأ هذا جدو
و اهم نقطه ابدا لا تضحك على الطفل استهزاءا او تشجيعا من يتلفظ الكلمه خطأ
بس استخدم الطرق اللي ذكرت انفا للتعديل
تذكر دائما
NO BABY TALK
د. سيف سمير البياتي اخصائي طب الاطفال