د. سلمان داودمكتبة مقالات عربية عن صحة الطفل والأسرة

التعلم من أخطاء رعاية الطفل: تجربة مع الكريمات الموضعية

تحجي و تكول
كنت اعتبر نفسي ام مثاليه ماكو مني
اعلم الأمهات شون يربون و شون ينظمون النوم و شون يتعاملون ويه الطفل و البيت
سمعت بصفحه اسمها د. سيف سمير البياتي بيها تتعلمين كلشي كلت اشوفها
و شفتها حلوه لطيفه بس ماكو شي جديد كله اعرفه و كله حافظته
اني اصلا عندي شهاده جامعيه و عندي ٤ أطفال فأكيد ما راح يكتب دكتور سيف اي شي جديد ما اعرفه
اني اقرا و اقرا و اقرا و من اشك بتصرف افتح كوكل و اشوف شنو الصح
و مرت الايام
و اني اتفرج على اللي ينكتب بالصفحه و هم للان ماكو شي جديد
إلى أن في يوم نشرت بيها عن عصاره النستاكورت و مضارها
كعدت اقرا بتمعن و رجعت كتبت بالبحث عن العصاره و خلطات الحفاظات و لكيتك كاتب عنها قبل ٣ سنين
ما صدكت انه اني يفوتني هيج تفصيل
رجعت لكوكل و بحثت و انصدمت انه اني فاتني هيجي تفصيل
اني مو أفضل ام
اني افشل ام
لا و تذكرت نفسي شون انصح باقي الأمهات بالعصاره الصفره
و شون استمريت عليها لكل جهالي بدون اي علم و اي معرفه !
لهنا و انتهى كلامها
ابدا الصفحه ما انخلقت حتى تعلمك الامومه لان الامومه غريزه
الصفحه انخلقت حتى نوصل للأفضل لاطفال بلدنا
حتى نكف عن الاساءه لجسد و نفسيه اطفالنا
الصفحه مو مثاليه و لا تبالغ
الصفحه تطمح للأفضل
د. سيف سمير البياتي اخصائي طب الاطفال


from د. سيف سمير البياتي

إعلان