ابد لا تفتي بالطب وتشخص المرض اذا انت مو طبيب !
اجى حجي وياه بنته ( امرأة بالغة مو طفلة) كال دكتور بنتي اكلت خيار العصر وهسة بطنها توجعها انطينا ابرة مال مغص حتى نروح للبيت
كتلة حجي انتظر هسة اشوفها وتدلل
كال دكتور اني اعرف حالتها بس اكتبلي الابرة خل اروح
اجيت عالمريضة بس مديت ايدي على بطنها صرخت من الالم
ضغطها غير محسوس يعني هابط حيل
بطنها قوية
طلعت بالاخير بعد سؤالها و فحصها وادخالها لصالة العمليات
عدها انفجار لحمل خارج الرحم
مع كيس عالمبيض
مع التهاب الزائدة الدودية
٣ حالات مرضية في آن واحد !
رباط السالفة
لا تعتبر طفلك الي يتقيء بيه التهاب أمعاء وتطلب علاج! خلي الطبيب يفحصه وهو يكولك شنو التشخيص وينطيك العلاج الصحيح
لانه التقيؤ الة هواية اسباب
ابد لا تحاول تصير مفتي بالامراض
بعدين احجيلكم قصة حقيقية طريفة حدثت مع طبيب بطلها ابن عم المريضة
—-
حساب التوعية على الانستغرام
https://instagram.com/dr_salmand?igshid=qbd41hnknyb3
د. سلمان داود
مقيم اقدم اطفال
