احضن طفلك باليوم عشره مرات !
أشهر مقوله بخصوص حضن الاطفال اجتنا من فيرجينيا ساتر تكول بيها
نحن نحتاج لحضن واحد لكي نعيش
لثمانيه حضنات للاستمرايه
ل 12 حضن لكي ينمو
و اضيف و اكول ل 20 حضنه باليوم حتى يطلع طفل ذكي
الطب ما خله شي ما درسه
و وحده من الدراسات عن حضن الكنغر ( اللي يخلون بيها الطفل بتماس مع جلد امه و ابوه ) شافوا ان الوزن يزيد اكثر و انه يطلع الطفل من المستشفى اسرع اذا تعالج الطفل بطريقه حضن الكنغر
شنو فوائد الحضن للاطفال
1. تنطيهم احساس بالأمان
انه انت بجانب طفلك
انه انت تحميه
2. يزيد الذكاء
بدراسه بجامعه واشنطن
شافوا ان الاطفال اللي امهاتهم ينطوهم حب كبير و أحضان كثيره لاطفالهم يصير عدهم جزء من الدماغ اسمه hippocampus أكبر
الجزء هذا مسؤول عن التعلم و الذاكره
3. حضنك لطفلك يقلل التوتر عنده
معروف ان التلامس الجسدي ينزل هرمون اسمه الاوكسيتوسين
الهرمون اللي يساعد بالاحساس بالراحه و يبعد التوتر و الاكتئاب
هو نفسه الهرمون اللي يحفز انطلاق الحليب بالرضاعه الطبيعيه لذلك تحسين بالراحه من ترضعين طبيعي
هذه النقطه راح تفسرلك ليش طفلك يحب يحضنك
لان ببساطه حضنك يبعد منه التوتر
4. يساعد في العقوبه!
و قررت تعاقب طفلك بحرمانه من لعبه مثلا
او شغل إضافي
و نفذ العقوبه
فاحضنه حتى يحس انه انت معاه مو ضده
و ان العقوبه هي للفعل مو اله شخصيا
5. يساعد على ان يكون طفلك متعاطف مع الآخرين و محب للاخرين
6. الحضن يحسن المناعه
فحسب دراسه من carnegie Mellon
شملت ٤٠٠ شخص
اتصلوا بيهم على مدى اسبوعين
و شافوا كم مره احد سأل عليهم او حضنهم او تعاركوا
و بعدين عرضوهم لفايروس خفيف اللي هو فايروس النشله
و هنا جتي النتيجه
الأشخاص اللي انحضنوا اكثر و مشاكلهم اقل كانوا اقل عرضه للاصابه
7. الحضن يقلل الالم بأكثر من دراسه و السبب هو ان هرمون الاوكسيتوسين يقلل التوتر و بالتالي يقل الالم
لذلك نكول لكل تجربه مؤلمه يمر بيها طفلك احضني طفلك
طلعولنا جيل مشبع عاطفيا
مشبع بحضنكم
جيل صحيح نفسيا
جيل يحب الاخر
و يحب نفسه
دمتم بود
د. سيف سمير البياتي اخصائي طب الاطفال
from د. سيف سمير البياتي