#اريد_اروح_للسوك
الجزء الثالث
من خلال جزئين سابقين
حجينا قدره الزوجة أو المرأة بشكل عام
ان تقنع زوجها بشي معين ،
وكمثال طرحنا سيناريو (اريد اروح للسوگ )
وبكل سيناريو، كانت طريقه الطرح مختلفة، لكن الاستجابة كلها جانت ايجابية من قبل الزوج
ليش جانت ايجابية؟؟ 🤔
✳️لان كدرت تقنعه،👍
اكو زوج يحب زوجته تجي من باب تدلل عليه،
اكو يحب من باب تتحايل عليه
اكو من باب غير مباشر وكله لوفات، ويضوج اذا طلبت مباشر
واكو العكس، مجرد تكله باجر نطلع للسوك وانتهى،
واكو تاخذه من طريق حبه لاهله أو أخته … الخ
شنو رباط سالفتنا؟؟
رباط سالفتنا ، اغلب الامهات تتشكى وتكول زوجي مايسمع مني بخصوص تربيه طفلي، أو بخصوص صحته،
او (ابني) وزوجي (يهدم)
او اكله خل نسوي كذا ، وهو يسوي العكس تماما
السؤال هنا
طلعه السوك، عندج الف طريقه وطريقه
(وهذا مو عيب ولا غلط بالعكس هذا من الذكاء)
أنه تكدرين تقنعين المقابل بشي انتي رايدته
زين ليش تعلنين الاستسلام وقلة الحيلة من يتعلق الموضوع بطفلج؟؟؟ 🤔
هل هو انتي فعلا ماعندج حيلة؟ وهذا شي طبعا مخالف لطبيعة النساء بشكل عام
لكن الحقيقه هو واحد من اثنين:
🖍️يا انتي ما تدرين أساسا انه انتي عندج قدره عاليه على الاقناع وماتدرين زوجج مستعد يسمع منج ويسوي الي تردي من تجي من الباب الي يستقبله،( واغلب الأزواج مستعدين يعترفون بهذا الشئ) “انه هو مستعد يسوي الي بي صالح لابنه، بس زوجته ماتطلب منه بطريقة مقنعه بالنسبة اله”
🖍️يا انتي غير مهتمه حقيقة بالموضوع ، وتعبري شي مو اساسي ، وطلعة السوك فقط هي الي تستحق بذل الحيلة ،،
فكري بيها زين …
وانتي تكدرين 😉
د.اسماء اسماعيل البدري
