القدوة الأبوية وتأثير العادات اليومية في الطفل

اكولكم شي و اسهل عليكم التربية؟
الام اللي تطبخ و اكلها فاهي
راح يكبرون اولادها و هم يحبون الاكل الفاهي
.
الام اللي تحب السكريات و النساتل
اولادها راح يحبون السكريات و الحلويات
.
الام اللي تحجي على الرايح و الجاي و تحجي على الاب و على اقاربها و اهل زوجها
اولادها راح يحجون على الرايح و الجاي
.
الام و الاب اللي يحضنون اطفالهم و يقبلوهم و يراعون نفسيتهم
اولادهم راح يكونون مستقرين و مشبعين عاطفيا
.
الاب اللي يكذب كدام اولاده
راح يكون اولاده كذابين
.
الام اللي تلح و ما يرضيها اي شيء
اولادها عمرهم ما راح يكونون قنوعين
.
الام و الاب اللي كل شويه يتعاركون كدام اولادهم
عمر اولادهم ما راح يحترمون العائلة و القيم الاسرية
.
الاب اللي ما يصلي كدام اولاده
اولاده عمرهم ما راح يعرفون قيمة الصلاه
.
الاب و الام اللي يتعاملون بعيني و اغاتي و حبيبي
اولادهم راح يعاملون الناس بنفس الاسلوب
.
ببساطة:
طفلك مرآه تصرفاتك
د. سيف سمير البياتي اخصائي طب الاطفال