#الاحترام
علموا ابنائكم،،،
#تقبل_الاختلاف
من يشوفون واحد بي (داون سندرم) ، ويسألج ماما هذا شبي؟
كليله هذا شخص مميز، يختلف
مو مخبل ولا منغولي!!!
من يشوف لون بشرته يخالف بشرته . ويكول عليه ما حلو ، فهمي بهدوء
حبيبي هذا حلو و هذا لونه هيج مثل ما لونك هيج
مثل ما اكو تفاح احمر وتفاح اصفر وتفاح اخضر
البشر اكو ابيض واصفر واسمر واسود
من بنتج تشوف وحده شعرها كريلي, لاتكولين لها هاي كفشه!
كولي لها شعرها يختلف..
الاختلاف وتقبل الاختلاف تبدأ مبكرا جدا
وحتى توصل هاي الرسالة بوضوح،
لازم انت / انتي
تنتبهين على نفسج انه ماتقلدين ولا تنتقصين من شخص لمجرد هو مختلف عنك
الاختلاف لايعني هو احسن او انت احسن
كلنا خلقه رب العالمين
قال رسول الله صلى الله عليه وسلم : “يَا أَيُّهَا النَّاسُ أَلَا إِنَّ رَبَّكُمْ وَاحِدٌ وَإِنَّ أَبَاكُمْ وَاحِدٌ ، أَلَا لَا فَضْلَ لِعَرَبِيٍّ عَلَى أَعْجَمِيٍّ وَلَا لِعَجَمِيٍّ عَلَى عَرَبِيٍّ وَلَا لِأَحْمَرَ عَلَى أَسْوَدَ وَلَا أَسْوَدَ عَلَى أَحْمَرَ إِلَّا بِالتَّقْوَى”
صدق رسول الله صلى الله عليه وسلم
د.اسماء اسماعيل البدري
