اختيار ألعاب تشجع الطفل على التعلّم والحركة

الالعاب
اكتب كثيرا عن تعليم الاطفال بالفتره الاخيره
و وحده من طرق تعليمهم هي الالعاب
ابدا لا تشوفون الالعاب كرفاهيه او شي جمالي مو اكثر
الالعاب تدريب للنظر للمس
تعلمه على التحكم بيده
⭕ اول هذه الالعاب المكعبات
مجرد تعريف الطفل على الالوان و الاحجام و الاشكال تعليمي بامتياز
تذكر دائما ما يكدر الطفل يخلي مكعب فوق اخر الى بعمر 13 شهر
و لا ننسى من نشتري المكعبات تكون كبيره الحجم بحيث ما يختنق بيها الطفل او يبلعها
ممكن يستخدمها بعمر 6 اشهر و اكثر
⭕ الحلقات و العمود
اللعبه الموجوده بالصوره
تعلم الطفل على الالوان و اختلاف الاحجام
تعلمه كذلك على التركيز
ممكن يستخدمها بعمر 6 اشهر و اكثر
⭕ ابدا لا تشتري الالعاب اللي بس صوت او ضوء و تشتغل وحدها
هنا فقدت الفائده التعليميه للعبه و صارت مجرد وسيله
Entertainment
حالها حال التلفزيون
اشتري اللعبه اللي من ينضغط عليها تطلع صوت او تسوي حركه او لون
راح تعلمه لعبه الغميضه
و تمرن اصابيعه
ممكن استخدام هذه الالعاب من عمر 9 اشهر
كون الابهام يبدا بالعمل من هذا العمر تقريبا
⭕ الكرات الخفيفه كذلك امينه و ممكن للطفل يلعب بيها
اختار الوان مختلفه و خليه يمشي وراها و يلعب بيها
تحفزه اصلا على الحركه
⭕ الاشياء المتحركه مثل سياره قطار او طياره تعلم الطفل على اسمائها و على حركتها و دوران العجلات
ممكنه كذلك من عمر 6 اشهر
⭕ الكتب من اول يوم و اختار الوان ممتعه و اهم شي ملمس مختلف مره ورقي مره قماشي
هيجي يتعلمون و يستمتعون
التطور مثل الاكل تدريب
و كلشي بالحياه تدريب
د. سيف سمير البياتي اخصائي طب الاطفال