البارحه نزلتلكم روابط اليونسيف و الجمعيه الامريكيه لطب الاطفال اللي يحثون بيها الاهل على اللقاح
لهنا و اوكي
اني عن رايي الخاص ما ااجل لقاح لاولادي حتى لو مو كورونا لو اقوى من الكورونا ما اجله
ما مستعد ابدا اشوف ابني او بنتي معوقه بشلل الاطفال لان خفت على نفسي من كورونا !!!
مو هذا موضوعنا
موضوعنا هو الحالات الحرجه
بعض الاطفال دا تصير حالتهم حرجه
اسهال و قيء و جفاف و ما يرحون للمستشفى بحجه نخاف من كورونا
الموضوع بالذهاب للمستشفى واضح حاليا جدا
اما مو طاريء و اكدر اجله
او لا طاريء جدا جدا جدا و حرام عليه ااجله
خصوصا مواضيع الاسهال الشديد و القيء لاطفال اعمارهم اقل من عمر سنه
و خصوصا مواضيع الحراره و قله الرضاعه و الخمول و ابو صفار لاطفال اقل من شهرين
الكورونا موجوده و حقك تخاف منها
بس الجفاف قد يقتل !
ممكن يروح تعب ٩ اشهر حرامات !
ممكن تروح هذه الروح لان انت تخاف من كورونا !
كلشي اوزنه بميزان
حياه الاطفال خط احمر
د. سيف سمير البياتي
اخصائي طب الاطفال
