البلازما الي يتبرع بيها المتشافين من كورونا مو شرط تفيد المصابين مية بالمية لكنها ممكن وبنسبة كبيرة جدا انه تنقذ بيها روح وهي املنا الحالي وية بقية الادوية والبروتوكولات الي تتبعها الوزارة
تخيل وياي الي خابرك علمود تتبرعله و رفضت او طلبت فلوس
ورة يومين سمعت انه توفى
شون راح يرتاح ضميرك بوقتها؟
ومرة أخرى نكول
وَمَنْ أَحْيَاهَا فَكَأَنَّمَا أَحْيَا النَّاسَ جميعاً
للعلم المستشفيات ماتكدر تجبر المريض عالتبرع أو ياخذون منه دون علمه الة بموافقته
او انه الوزارة تسويها شرط اجباري عالمتعافين من كورونا وبقوة الدولة تاخذ البلازما
احنا الي نريده انه نتكاتف سوية حتى تعدي الازمة
نكون ايد ب ايد مو بالقوة والاجبار
اذا انصابيت بكورونا وتشافيت منها فروح تبرع بالبلازما ( فقط بلازما المريض المتشافي تفيد) اما الي ما مصاب بكورونا ما تفيدنا بلازمته
انشروا هالمنشور على اوسع نطاق
خلي نثبت للعالم انه العراقيين فعلا اهل الغيرة والنخوة
—
د. سلمان داود
طبيب تدرج
—
حساب التوعية على الانستا
https://instagram.com/dr_salmand?igshid=qbd41hnknyb3
