#التربية ابني/بنتي متسمع مني الا اصرخ انتبهي ❌ ولاتستمرين ابد بهذا النهج لان بعدين يتبرمجون علية ويعتبروه هو الطبيعي ومن تحجين بطريقة عاديه ميسمعولج ولا ينفذون لان متعودين عليج من تردين شي (تصرخين) بالاضافة طبعا الى اضرار الصراخ على الام والطفل الام الي تصرخ هي ام متوترة وتعاني من تدهور نفسي، وتصرف طاقتها وتهدرها بالصراخ وتحس بتعب شديد فوك مهام الامومه الصعبة ، تصعب الموضوع على نفسها بالاضافة الى الشد العصبي وغيرها وغيرها غير عن الام الهادئة، طبعا الي يكون مستقره عاطفيا واعصابها مرتاحه مو مشدوده اما على الاطفال ايضا اكيد اكو ضرر قوي ويتدرج من الخوف الشديد والقلق المزمن ، والتهيج ، الى حالات التبول ال لا ارادي ثم اخيرا كلما يكبر كلما يتكيف وي هذا الوضع ، ومثل ما ذكرت بداية البوست يعتبرة هو العادي، وايام المراهقة يبدي ينطي الاذن الطرشة ولو الام صوتها يوصل لقارة استراليا هو بعد ميأثر بي الحل شنو؟ من ايام الطفولة من تحجين وطفلج ما يسمع هو مركز بشي ثاني غالبا او مغلس ومتعاجز من الطلب بالحالتين الحل هو نفسه توجهي عليه وباوعي بعينه والزمي ، واحجي الي تردي بصوت واضح اذا مفاد انتي ابدي نفذي مثال: ابني حبيبي لم المكعبات والطفل بغير عالم مغلس تروحين علية تلزمي وتباعين بعينه : حبيبي لم المكعبات اذا بدا بالمهمه هاهيه اذا كال ما او غلس كليله يلا سوا تعال نلم وجيبي الكارتون او العلبة او الصندوق وباشري بلمها واطلبي يساعدج حتى لو بمكعب واحد ، مره على مره مكعبين وهكذا المهم تربطين كلامج بالتنفيذ اما في حال جنتي مقرره انتي تسوين المهمه كلها كامله ، فيفضل لاتطبيين منه اساسا لان مره على مره حيعرف انه انتي تكليلة سوي فلان شي بس بالواقع انتي تسوي فماله داعي يتعب نفسه ويسوي اصلا مثال اخر: ابني غسل ايدك وهو مغلس روحي عليه لزمي تعال نغسل ووجهي للمغسلة وساعدي بخطوة او خطوتين وهو يكمل وهكذا الملخص فكره الصراخ لتنفيذ الطلب فكره غير صائبة وتعبي ايدج وحركي طفلج (بايدج) بدل ما تبقين تصرخين وانتي على بعد 10 متر الطفل يستجيب بالتلامس اكثر بكثير من الاوامر الصوتيه فقط د.اسماء اسماعيل البدري

#التربية

ابني/بنتي متسمع مني الا اصرخ
انتبهي ❌

ولاتستمرين ابد بهذا النهج
لان بعدين يتبرمجون علية ويعتبروه هو الطبيعي
ومن تحجين بطريقة عاديه ميسمعولج ولا ينفذون لان متعودين عليج من تردين شي (تصرخين)

بالاضافة طبعا الى اضرار الصراخ على الام والطفل
الام الي تصرخ هي ام متوترة وتعاني من تدهور نفسي، وتصرف طاقتها وتهدرها بالصراخ وتحس بتعب شديد
فوك مهام الامومه الصعبة ، تصعب الموضوع على نفسها
بالاضافة الى الشد العصبي وغيرها وغيرها
غير عن الام الهادئة، طبعا الي يكون مستقره عاطفيا واعصابها مرتاحه مو مشدوده

اما على الاطفال ايضا اكيد اكو ضرر قوي
ويتدرج من الخوف الشديد والقلق المزمن ، والتهيج ، الى حالات التبول ال لا ارادي
ثم اخيرا كلما يكبر كلما يتكيف وي هذا الوضع ، ومثل ما ذكرت بداية البوست يعتبرة هو العادي، وايام المراهقة يبدي ينطي الاذن الطرشة ولو الام صوتها يوصل لقارة استراليا هو بعد ميأثر بي

الحل شنو؟
من ايام الطفولة من تحجين وطفلج ما يسمع
هو مركز بشي ثاني غالبا
او مغلس ومتعاجز من الطلب

بالحالتين الحل هو نفسه

توجهي عليه وباوعي بعينه والزمي ، واحجي الي تردي بصوت واضح
اذا مفاد انتي ابدي نفذي

مثال: ابني حبيبي لم المكعبات
والطفل بغير عالم مغلس
تروحين علية تلزمي وتباعين بعينه : حبيبي لم المكعبات
اذا بدا بالمهمه هاهيه
اذا كال ما او غلس
كليله يلا سوا تعال نلم
وجيبي الكارتون او العلبة او الصندوق وباشري بلمها واطلبي يساعدج حتى لو بمكعب واحد ، مره على مره مكعبين وهكذا

المهم تربطين كلامج بالتنفيذ

اما في حال جنتي مقرره انتي تسوين المهمه كلها كامله ، فيفضل لاتطبيين منه اساسا

لان مره على مره حيعرف انه انتي تكليلة سوي فلان شي
بس بالواقع انتي تسوي
فماله داعي يتعب نفسه ويسوي اصلا

مثال اخر:
ابني غسل ايدك
وهو مغلس
روحي عليه لزمي تعال نغسل
ووجهي للمغسلة وساعدي بخطوة او خطوتين وهو يكمل

وهكذا

الملخص
فكره الصراخ لتنفيذ الطلب فكره غير صائبة

وتعبي ايدج وحركي طفلج (بايدج)
بدل ما تبقين تصرخين وانتي على بعد 10 متر

الطفل يستجيب بالتلامس اكثر بكثير من الاوامر الصوتيه فقط

د.اسماء اسماعيل البدري

#التربية ابني/بنتي متسمع مني الا اصرخ انتبهي ❌ ولاتستمرين ابد بهذا النهج لان بعدين يتبرمجون علية ويعتبروه هو الطبيعي ومن تحجين بطريقة عاديه ميسمعولج ولا ينفذون…