#التربية #السيطرة_على_النفس #الطفل_اولا الصوره بالاسفل، ل اب يقول “أنا لا أشعر بالحرج من تصرفات ابنتي الطفوليه، حتى في الأماكن العامه، ودائما يحاولون اشعاري باني لست اب جيد لفعل ذلك، وهذا لايهمني لأنني ابوها، ولست ابوهم” طبعا هذا كلامه لوحده يرادله فد 10 بوستات نشرح بيها هو شكد مستقر نفسيا لدرجه ما مهتم لحجي الناس، وهاي من النوادر طبعا .. ومن عدا انه هو اب واهم شي عنده أنه يحب يتفاخر بدوره البطولي، في حياة ابناءه، وهم من حقه ومو عيب ، ورغم هذا كبح كل هاي الرغبات وكبح وياها رغبة المجتمع، وقدم الطفل عليها،،، طبعا البوست هذا شايفته قديم ومتصوره الموضوع عادي يعني، بس الي خلاني اكتب هذا البوست اليوم، هو كميه “استياء المعلقين” وتعليقهم جان على شكل: ⁦🖍️⁩وشدعواه هيج عايفيها خوب يحضنها! ⁦🖍️⁩تصرفه اناني شنو ذنبنا نكعد نسمع صراخ الطفل !! ⁦🖍️⁩وهو اصلا عليش مطلعها!!! ⁦🖍️⁩وين امها؟؟ 😂 ⁦🖍️⁩اصلا مفروض يحطون أماكن ممنوع دخولها الأطفال ، اني رايح مطعم دافع فلوس اريد اريح راسي اجي اسمع طفل يصرخ ويعيط! ⁦🖍️⁩الجهال بهيج عمر مينطلع بيهم اصلا! ⁦🖍️⁩غلط منه مفروض يعرف شلون يسكتها، ماكو أهل ميعرفون ابنهم شلون يسكت!! ⁦🖍️⁩راشدي اكومها وشحدها تفتح حلكها بعد وووووو هواي من هاي الشاكله .. خل نجاوب على التعليقات بشكل مفصل شوي: 🔴اول شي “خوب يحضنها” الاطفال مو مثل بعض! اذا طفلك يهدا من تحضنه، اكو اطفال يصير عدها نوبه أساسا لان حضنته! أي والله عادي اكو هيج، ومن ضمنهم بعض حالات طيف التوحد الي جدا ينزعج من احد يلزمه أو (يحضنه) اقتراحك لحل المشكله مو دقيق، وحتى لو كان دقيق ميخولك أن تنتقد الأب، لان الاب ممسوي شي غلط (مديضرب ولا ديصرخ، مجرد ساكن) 🔴تصرفه اناني: على العكس تماما، الي يشوف طفل يصرخ وينزعج ويعتبره شي اوفر ، هو هذا الاناني!! شعليك منه! هو طفل والمكان مكان عام مو جاي لبيتك وكاعد يعذبك بصراخ طفله.. الأماكن العامه هي متاحه للجميع ومن ضمنهم الأطفال … 🔴عليش مطلعها؟ بشر والله حاله حالكم يحتصر من البيت ويريد يطلع، وحتى لو ميريد الطفل لازم يطلع ويختلط، خوما نحطهم بقوطيه؟ 🔴وين امها ؟ هههههه لا تعليق 🔴أماكن ممنوع دخول الأطفال: اوكي من يصير أماكن ممنوعة وهي موجوده اساسا، فاذا شفت طفل داخل لمكان ممنوع ، من حقك تعترض بس تذكر تره المطاعم مو ضمنها، اكو أماكن لخ (للبالغين حصرا) 🔴ماكو أهل ميعرف شلون يسكت طفل صح الصح.. كل أهل يعرفون الطفل شلون يسكت والطفل ذكي جدا لدرجة انه يستخدم هذا الاسلوب حته يجبر اهله يسكتوه بالشي الي هو بباله، هو غالبا شي ممنوع الطفل يسكت اذا انطيته تلفون، أو جكليت، أو همست باذنه اسكت و اوديك لبيت جدو/مدينة الالعاب كله في سبيل يسكت، هنا انت سلمت التربيه بيد الطفل وهو كاعد يربيك.. وكاعد يعلمك شلون تنفذ الاوامر بسرعه وبدون لف ودوران من تسكته بجكليته، موبايل ، وعد ما.. وبعدين؟ 🤔 كله خاطر يسكت؟ 🤔 وشوكت لعد يتعلم يطلب بادب؟⁦ شوكت يتعلم أن الصراخ بالاماكن العامه مابي جوائز؟🤨 شوكت يتعلم أن الاستفزاز واستخدم الابتزاز هو أسلوب غير ناجح؟ 🧐 من يكبر؟ ويكون اخذ الطبع خلاص؟ 📍وكلنا شايفين هذا الشخص الي يكعد يمثل دور الضحيه من ينحصر، ويسوي روحه يتخربط ويوكع ويغمى عليه وووو بس حته يحصل الشي الي بباله!!!🙂 كل هاي السلبيات نزرعها بالطفل ، خاطر كم شخص (بالغ) مكدر يكبت انزعاجه لصراخ (طفل صغير) ! 🔴راشدي واكومها عفيه بطله ماشاء الله عليج مو احنا كاعد نروض حيوان مو انسان.. رسالة (للبالغين): دكتوره ماريا منتسوري تكول: اكثر شخص اناني هو الانسان البالغ الي يحاول ان يعيش الحياة لوحده، وينزعج بوجود اطفال حوله، فقط لانه هو ميعرف شلون يتعامل وياهم، وفقط لان همه بكل مره يخلوه يشوف اخطاءه وشكد هو قليل الصبر والتحمل … وما عنده لا حكمه ولااستقرار، 🛑ملاحظة 🛑: الطفل من يبجي هو فعلا محتاج شي أو رايد شي، بس طريقه البكاء بهاي الطريقه مو هي الاسلوب ، وبالتالي من يوصل هيج مرحله رح يقفل تماما.. 🌼🌼 اتركه ينفس عن غضبه، ويعبر عن استياءه، مو غلط الانسان يستاء ويبجي، 🌼🌼 الغلط أن يكتمها بكلبه، 🚫 الغلط من يصير منافق، ويضهر عكس مايبطن🚫 الغلط من يصير كذاب ويكول اني سعيد وهو قمه بالتعاسه الطفل على الفطره واكثر فتره عمريه تستحق أن يتعلم منها البالغ، لان فقدنا انفسنا بمحاولات ارضاء المجتمع … الطفل مايهمه المجتمع! ياريت نتعلم منه ، وبالتعليقات صوره لفيل صغير يمر بنوبه غضب، وامه الفيله، فاهمه تماما.. ومنطيته المساحة يعبر عن استياءه … يفرغ غضبه، يرتاح، يهدا.. يستقر ⁦❤️⁩ وياريت كلنا نعرف نتصرف مثل هذا الفيل، من يضوج ويعصب، مياذي احد ولا يضرب احد ولا يكسر ولا يصرخ باعلى صوته لحد ماينبح! ولا يكول كلمات بذيئه خادشه للحياء…. ياريت نتعلم 💔 د.اسماء إسماعيل البدري

#التربية

#السيطرة_على_النفس

#الطفل_اولا

الصوره بالاسفل،
ل اب يقول “أنا لا أشعر بالحرج من تصرفات ابنتي الطفوليه، حتى في الأماكن العامه، ودائما يحاولون اشعاري باني لست اب جيد لفعل ذلك، وهذا لايهمني لأنني ابوها، ولست ابوهم”

طبعا هذا كلامه لوحده يرادله فد 10 بوستات نشرح بيها هو شكد مستقر نفسيا لدرجه ما مهتم لحجي الناس، وهاي من النوادر طبعا ..
ومن عدا انه هو اب واهم شي عنده أنه يحب يتفاخر بدوره البطولي، في حياة ابناءه، وهم من حقه ومو عيب ، ورغم هذا كبح كل هاي الرغبات وكبح وياها رغبة المجتمع، وقدم الطفل عليها،،،

طبعا البوست هذا شايفته قديم ومتصوره الموضوع عادي يعني،

بس الي خلاني اكتب هذا البوست اليوم، هو كميه “استياء المعلقين”

وتعليقهم جان على شكل:
⁦🖍️⁩وشدعواه هيج عايفيها خوب يحضنها!
⁦🖍️⁩تصرفه اناني شنو ذنبنا نكعد نسمع صراخ الطفل !!
⁦🖍️⁩وهو اصلا عليش مطلعها!!!
⁦🖍️⁩وين امها؟؟ 😂
⁦🖍️⁩اصلا مفروض يحطون أماكن ممنوع دخولها الأطفال ، اني رايح مطعم دافع فلوس اريد اريح راسي اجي اسمع طفل يصرخ ويعيط!
⁦🖍️⁩الجهال بهيج عمر مينطلع بيهم اصلا!
⁦🖍️⁩غلط منه مفروض يعرف شلون يسكتها، ماكو أهل ميعرفون ابنهم شلون يسكت!!
⁦🖍️⁩راشدي اكومها وشحدها تفتح حلكها بعد

وووووو هواي من هاي الشاكله ..

خل نجاوب على التعليقات بشكل مفصل شوي:
🔴اول شي “خوب يحضنها”
الاطفال مو مثل بعض! اذا طفلك يهدا من تحضنه، اكو اطفال يصير عدها نوبه أساسا لان حضنته!
أي والله عادي اكو هيج، ومن ضمنهم بعض حالات طيف التوحد الي جدا ينزعج من احد يلزمه أو (يحضنه)
اقتراحك لحل المشكله مو دقيق، وحتى لو كان دقيق ميخولك أن تنتقد الأب، لان الاب ممسوي شي غلط (مديضرب ولا ديصرخ، مجرد ساكن)

🔴تصرفه اناني: على العكس تماما، الي يشوف طفل يصرخ وينزعج ويعتبره شي اوفر ، هو هذا الاناني!! شعليك منه! هو طفل والمكان مكان عام مو جاي لبيتك وكاعد يعذبك بصراخ طفله..
الأماكن العامه هي متاحه للجميع ومن ضمنهم الأطفال …

🔴عليش مطلعها؟
بشر والله حاله حالكم يحتصر من البيت ويريد يطلع، وحتى لو ميريد الطفل لازم يطلع ويختلط، خوما نحطهم بقوطيه؟

🔴وين امها ؟ هههههه لا تعليق

🔴أماكن ممنوع دخول الأطفال:
اوكي من يصير أماكن ممنوعة وهي موجوده اساسا، فاذا شفت طفل داخل لمكان ممنوع ، من حقك تعترض
بس تذكر تره المطاعم مو ضمنها،
اكو أماكن لخ (للبالغين حصرا)

🔴ماكو أهل ميعرف شلون يسكت طفل
صح الصح.. كل أهل يعرفون الطفل شلون يسكت
والطفل ذكي جدا لدرجة انه يستخدم هذا الاسلوب حته يجبر اهله يسكتوه بالشي الي هو بباله، هو غالبا شي ممنوع
الطفل يسكت اذا انطيته تلفون، أو جكليت، أو همست باذنه اسكت و اوديك لبيت جدو/مدينة الالعاب
كله في سبيل يسكت،
هنا انت سلمت التربيه بيد الطفل وهو كاعد يربيك..
وكاعد يعلمك شلون تنفذ الاوامر بسرعه وبدون لف ودوران

من تسكته بجكليته، موبايل ، وعد ما.. وبعدين؟ 🤔
كله خاطر يسكت؟ 🤔
وشوكت لعد يتعلم يطلب بادب؟⁦
شوكت يتعلم أن الصراخ بالاماكن العامه مابي جوائز؟🤨
شوكت يتعلم أن الاستفزاز واستخدم الابتزاز هو أسلوب غير ناجح؟ 🧐

من يكبر؟ ويكون اخذ الطبع خلاص؟

📍وكلنا شايفين هذا الشخص الي يكعد يمثل دور الضحيه من ينحصر، ويسوي روحه يتخربط ويوكع ويغمى عليه وووو بس حته يحصل الشي الي بباله!!!🙂

كل هاي السلبيات نزرعها بالطفل ، خاطر كم شخص (بالغ) مكدر يكبت انزعاجه لصراخ (طفل صغير) !

🔴راشدي واكومها
عفيه بطله ماشاء الله عليج مو احنا كاعد نروض حيوان
مو انسان..

رسالة (للبالغين):
دكتوره ماريا منتسوري تكول: اكثر شخص اناني هو الانسان البالغ الي يحاول ان يعيش الحياة لوحده، وينزعج بوجود اطفال حوله، فقط لانه هو ميعرف شلون يتعامل وياهم، وفقط لان همه بكل مره يخلوه يشوف اخطاءه وشكد هو قليل الصبر والتحمل … وما عنده لا حكمه ولااستقرار،

🛑ملاحظة 🛑:
الطفل من يبجي هو فعلا محتاج شي أو رايد شي،
بس طريقه البكاء بهاي الطريقه مو هي الاسلوب ،
وبالتالي من يوصل هيج مرحله رح يقفل تماما..

🌼🌼 اتركه ينفس عن غضبه، ويعبر عن استياءه، مو غلط الانسان يستاء ويبجي، 🌼🌼

الغلط أن يكتمها بكلبه، 🚫
الغلط من يصير منافق، ويضهر عكس مايبطن🚫
الغلط من يصير كذاب ويكول اني سعيد وهو قمه بالتعاسه

الطفل على الفطره واكثر فتره عمريه تستحق أن يتعلم منها البالغ،
لان فقدنا انفسنا بمحاولات ارضاء المجتمع …

الطفل مايهمه المجتمع!
ياريت نتعلم منه ،

وبالتعليقات صوره لفيل صغير يمر بنوبه غضب، وامه الفيله، فاهمه تماما..
ومنطيته المساحة يعبر عن استياءه … يفرغ غضبه، يرتاح، يهدا.. يستقر ⁦❤️⁩

وياريت كلنا نعرف نتصرف مثل هذا الفيل، من يضوج ويعصب، مياذي احد ولا يضرب احد ولا يكسر ولا يصرخ باعلى صوته لحد ماينبح! ولا يكول كلمات بذيئه خادشه للحياء….

ياريت نتعلم 💔

د.اسماء إسماعيل البدري

#التربية #السيطرة_على_النفس #الطفل_اولا الصوره بالاسفل، ل اب يقول “أنا لا أشعر بالحرج من تصرفات ابنتي الطفوليه، حتى في الأماكن العامه، ودائما يحاولون اشعا…