#التربية
قصه حقيقه، من الخاص .. ام تتكلم عن اخيها:
اخي يبلغ من العمر 12 عاما
يشاهد مقاطع اباحيه!!
لايعرف يقرا ولا يكتب
كلامه عباره عن فشار!!!!
يلعب البوبجي ليلا مع نهارا!
طفلوته كانت عباره عن ضرب وقسوه وضغوطات!!
ابي “جاهل” وهو سبب وصوله لهذا الحال
امي “لاتهتم” !!!!
تكلمت معهم كثيرا دون جدوى ، واصبحوا يكرهون زيارتي لهم لانني انتقد تربيتهم ..💔
والاسوا عند زيارتي لهم الاحظ عليه يحاول تطبيق تصرفات جنسيه مع اطفالي!!
💔ا
وهنا نريد نعتب على الامهات والاباء جماعه “شدعواكم!”
وجماعه “خل يشوف طفولته”
وجماعة “منريد نحرمهم من التطور”
الي يظنون ان فساد جهالهم محياذي المجتمع؟؟؟ ومكاعد يتخيلون انه حيصيرون قتله ومدمنين؟؟
واول شخص حينقمون منه همه انتوا يا اباء ويا امهات الي بس كادرين بس تخلفون …
وكت الخلفه عرفتوا شلون تصير الخلفه! وكت التربيه نزل عليكم شلل!!
شوكت ناوين تصحون؟؟
من تفوح ريحه الجثه بغرفته لان شرب مخدرات زايده؟؟
لو من يغتصب طفل براس الشارع؟
ساعتها هم كولوا يا طلع مو خوش ولد !
ملاحظه صاحبه القصه طرقت كل الابواب بدون فائده ومحد يقبل يساعد، وقررت هي تجيبه لبيتها تربي من جديد بعد ان تقطع النت وتوفر العاب وانشطه اله ، مع مراقبه 24 ساعه
خل نكول هذا الولد رب العالمين دزله شخص يشيل مسؤليته، ويارب يكدرها على هذا الشي
زين وباقي الجهال …
ما اريد اكول غير الله يجفينا شركم وشر هالجيل التعبان الي كاعد تصنعوه صناعه من تسمعون لنصائح الاهمال والجهل!
د.اسماء اسماعيل البدري
