#لاتبچي!
الجزء الرابع
#هو_فرعون_منو_فرعنه
⁉️زين لعد شنسوي من الطفل يحرجنا بنوبه صراخ؟ 🙄
📩كالعاده الجواب بالتفصيل :
قبل أن تكول لا للطفل.. فكر زين ..
هل هو فعلا لا؟🤔 لو وره شويه حتبدل؟ 🤔
يعني كلج ماما اريد مي بهذا الكوب ☕.. وانتي كلتي لا اشرب من البطل 🧴
ورجع لح وكال لا ما ارررريد بالبطل وبده يدخل النوبه ..😭
انتي راسج مصدع 🤕 ومالج خلك اخذتي الكوب☕ الي راده وانطيتي بي مي ..😅
هنا هم كسرتي الكلمه مالتج❌
وهم حسستي هو مسيطر عليج❌
وهم طولتيها وهي كصيره!!😆
راد بالكوب انطي بالكوب وخلاص!
عليش دتفرضين رئيج؟ 😑
مو حيتبلل مو حيوسخ مو مو هاي كلها اعذار مالج حق بيها
حيتبلل هو طفل ! طبعا يتبلل!
حيتوسخ واذا؟ وره شوي هم حيوكع ويتوسخ!
🌼🌼🌼خلي عندج كلمه ال لا محدوده 🌼🌼🌼
شنو حدودها
1️⃣الحلال والحرام
2️⃣الصحه وسلامه الجسم
3️⃣الممتلكات العامه والحفاظ على البيئه وملكيات الغير
اول شي: الحلال والحرام واضحه ومعروفه .. وتطبق على حسب فهم الطفل .. وبالمنطق
يعني مو طفل عمره ٦ اشهر يذب الاكل بالكاع تكليله لا حرام ✋😂
تره ماكو هيج!
حتكليلي بس هو حيفتهم ويبطل يذب بالكاع🤷
حكلج اي صح بسبب أنه دتكولين لا
مو بسبب أنه فهم شنو حرام!
وشغله يبطل يذب بالكاع وهو بهذا العمر شي ابدا مو منطقي ولا صحيح..🙅
هو ديجرب من يرمي شي شلون يسقط للكاع.. وبسرع تختلف على حسب وزن الجسم⚖️
هو ديكتشف بكل مره من يذب شي يوكع للاسفل⬇️.. و ولا مره صعد للاعلى🔝 وهذا بعدين حيخلي عنده تصور عن الجاذبيه ووو
⚠️ من تجين بفطنتج ونباهتج عود دتسوي مرتب (بهذا العمر) انتي كاعده تقتلين بداخله الملاحظه والاستنتاج والنباهه👨🏫
وعود ما اوصيج من يكبر وتبدين تقري شبعي كتل وعياط وكولي مو غبي مايفتهم 😒
المهم نرجع 💫
حلال وحرام مثلا بعمر ٣ سنوات يشمر حجاره على بزونه🐱 نكله لاخطيه بزونه تتأذى حرام ميصير
ومن يسأل شنو حرام نشرح له بأسلوب بسيط.
ثاني شي:
الصحه وسلامة الجسم 🧘♂️
اي شي يلعب بي ممكن ياذي (وبعده ما مستوعب شلون ممكن يتأذى ) ابعدي عنه..
⚠️طفل بعمر ٨ شهور مو منطقي انطي سجينه حاده 🔪 بحجه دا أعلمه..
بعده ماعنده فهم كافي شنو السجينه وشلون تستخدم وشلون يكون حذر منها..
فبالتالي اذا راد يلعب بسجينه نكول لا تتأذى وتنجرح❌
⚠️والصحه هم تشمل من يريد يشرب الف ممه باليوم وهو عمره سنتين .. هذا غلط ومو صحي ولازم نكول لا ونستوعب شلون نوقف هذا الادمان بطريقه أو باخرى ❌
⚠️ومن يريد ياكل حلويات يوميا .. هم نكول لا ومنشتري الحلويات اصلا بكثره ووو
ثالثا: البيئه وممتلكات الغير 🏞️
من يجي يريد يذب وسخ بشارع نكوله لا ميصير يتوسخ الشارع والشارع مو مالتنا..
من يريد يأخذ لعبه من صديقه (غصبا على صديقه) نكله لا ميصير هاي لعبه مال صديقك مو مالتك ميصير تاخذها❌
هاي حدود كلمه لا
ومن نكولها انتهى خلص لا يعني لا
محتصير اي لان بجى
راد السجينه وملخ روحه محياخذ السجينه ! نقطه نهايه سطر❌
هيج تعريف كلمه لا حيكون واضح عند الطفل ومره على مره بعد ميناقش من يسمع لا .. لان من خلال تجاربه السابقه أنه شمايسوي تبقى لا وميحصل شي 👍
وطبعا نذكر السبب.. حتى من يناقش نجاوب نفس الجواب وميصير كلامنا فارغ
⚠️ميصير نلعب بالسجينه لان تنجرح وتتاذى.. وهكذا
اما اذا انتي محطيتي قيمه لل لا مالتج وساعه تكلب اي وساعه تكلب كيفك وساعه تكلب ديلا بس هالمره .. لاتجين تشكين وتكولين ميسمع كلام ✋
هسه اول شي حطينا قيمه لكلمه ال لا
ثاني شي نبدي نحدد
🌼🌼جواب واضح صريح يتكرر بكل نوبه صراخ.🌼🌼
وميتغر
ميتغيييير
ميتغيييير
نرجع لاول مثال مال طفله بالعربانه الي رادت بعد جيلاتين 🍬🍬
الموقف الصحيح أنه الام كالت لا بس وحده☝️
بلشت الطفلة تصرخ وترفس 🤬
يحافظ كل من الام والاب على هدوئهم قدر الإمكان .. 👨👩👧
عدم الاهتمام لنظرات المتسوقين 👀
التزام الصمت 😐
واعطاء وجه مجرد من التعابير 😐
اخراج الطفله من الأسواق أو تغيير المكان أو البقاء بنفس المكان مع الابتعاد قليلا عن الاغراض حتى لاتوكعهن ..
الطفله اذا جانت هاي اول مره تسويها .. حتكون مجرد دقيقه او اقل وحتسكت لان ماكو استجابه مطلوبه ..
وحترجع تطلب اريد بعد..
حيكون الجواب نفسه ..
لا حبيبتي بس وحده☝️.. لان بعدين اسنانج تتسوس
يجوز تحاول مره لخ ويجوز لا وينتهي الموضوع بهاي البساطه .
وتكرره حيقل بكل مره 💫
والمدة أيضا تقل⏲️ (اذا حافظنا على هاي الاستجابه بكل مره) 👍
اما إذا بقينا هيج ( الطفل يتحكم بينا ) ومنكدر نصده وفعليا خايفين منه شلون حنربي؟ 😅
وأما اذا اكو “بيبي👵” بالبيت متقبل أحد يخلي الطفل يبجي وكبل تدخل محامي دفاع
وتكول هاي منوووو بجاااااة
انطوا الي يريده !!
لو دكفونا شره وشر صوته !
لو دنطوووووه مو خطيه مريض 😏
فاحب اكلكم استعدوا للكثير والكثير من البچي والصريح ونوبات الغضب ..
وحينكلب عليكم فرعون قريبا..
وبالختام
#هو_فرعون_منو_فرعنه !
وهنا عندي ملاحظتين مهمه .. 🎟️
🎫الاولى : للناس الي تحب تحشر نفسها .. رغم كتبتها مره ببوست منفصل بس قله قليله الي وصلهم المعنى،
هنا ارجع اكتب
بليز بليز لاتحشر نفسك قبل متستاذن.. همه مكاعد يتعاملون وي ابنك.. ولا بنتك..
ابنك وبنتك ربيهم كيفك. بس لاتحشر نفسك بتربيه غيرك مدام ماكو ضرب للطفل ولا اهانه ولااذيه
من تشوف هيج موقف (موقف العائله بمحل التسوق ونوبة صراخ الطفله) وصار عندك فضول ومتكدر تقاومه والا تدخل؛
استأذن..
وكول للاب والام محتاجين مساعده؟ اذا كالوا اي انطلق بخبرتك العريقه 👍
اذا كالوا لا وشكرا .. احتفظ برئيك لنفسك🤭🤫
وبلييييز لاتجي تسوي نفسك محبوب الاطفال صاحب القلب الرقيق وتكول للطفله هاج حبيتي هذا جكليت يلا حبابه لتبجين.. وبعدين تندار للاهل تكلهم خلوها عليه اعتبروها هديه مني 😑😑😑😑😑😑👊
🎫الثانية: اكو فئه من الناس من حتقرأ هذا الكلام حتكول هاي شدعوه هالتعقيد ! مو كلنا ربينا وكبرنا
احب اكول اي فعلا تعقيد لان هي التربيه صعبه ومعقده .. وهي تحتاج نباهه وفطنه
اهل قبل جانت الام من تكول لا انتهى خلاص محد يجر نفس وراها
هسه … هههههههه سوري بس جديات دا اشوف اطفال يربون اهلهم والأهل مصدومين شلون وصلوا لهيج وضع
ولو راجعوا نفسهم حيلكون
الغلط من الأهل
الطفل انعكاس للاهل
الطفل برنامج يبرمجه الأهل
لذا قبل متكول ابني بس يبجي .. شوف انت شلون تعاملك وياه ..
وهذا موضوع البوست القادم
مودتي 🌷
د.اسماء اسماعيل البدري