الديدان الدبوسيه
و فشل علاجها
هذا بوست قصير عن فشل العلاج
اذا تكرر موضوع الديدان أكثر من مره
اسألي نفسك الاسئله التاليه
اخذ طفلك العلاج و كررتي العلاج بعد اسبوعين؟
كل اللي بالبيت اخذوا العلاج اقصد كبار و صغار ؟
طبعا الكل لازم سواءا عدكم أعراض او ما عدكم أعراض
ذبيتي ملابس الشخص المصاب الداخليه بالزبل او اقلها غليتيهم؟
خليتي الشرشف مالته بالمي الفاير؟
غسلتي ايده بعد التواليت؟
و اذا كبير طلبتي منه يغسل ايده هوايه بعد الحمام؟
قصرتي اظافيره كلها؟
اشتريتي فرشه حتى ينظف بيها تحت الاظفر؟
غسلتي لطفلك صباحا اول ما كعدتي من الصبح ؟
هويتي الغرفه و خليتي الشمس تطب للغرفه؟ . لازم شمس تطب للغرفه حتى تقتل الدود
غسلتي فراش الطفل بمي حار؟
اكدتي على الطفل انه ما يخلي ايده بحلكه؟
اكيد اكو سؤال راح تجاوبين عليه ب لا
فاذن هذا هو السبب لتكرار الموضوع
شكرا الكم
د. سيف سمير البياتي
اخصائي طب الأطفال
