السكري النوع الاول والثاني وماقبل السكري
النوع الاول سببه غالبا مناعي يعني يتم مهاجمه خلايا البنكرياس بحيث ماتنتج انسولين والسكر يزيد بالدم وما يزود الخلايا بالطاقه يعني هنا نحتاج اولا ننطي انسولين
ثانيا نرتب نظام غذائي يتناسب مع جرعات الانسولين والعكس
نعلم المريض على نظام غذائي صحي وحتى ممارسه الرياضه يفيده ولازم يتابع السكر التراكمي وفحص البصر ووضائف الاعضاء الحيويه بالجسم
السكري من النوع الثاني عنده انسولين بس همين الجسم مديستفاد منه ويصير عنده مقاومه عاليه للانسولين هنا حيحتاج نظام غذائي ورياضه وادويه حتى نرتب وضعه
بالتاكيد هم يحتاج متابعه
الحاله الثالثه هي ما قبل السكري واللي هي يرتفع بيهه مستوى السكر لكن مو للمستوى اللي نشخصه سكر وكذلك التراكمي يرتفه بس يبقه جوه ال6,4
هنا لازم نتدخل بقوه كأطباء تغذيه حتى نرجع الامور لنصابهه قبل لاتتحول الحاله الى سكر نوع ثاني
بحاله ما قبل السكري النظام الغذائي والرياضه والعادات الصحيه هي الحل
الحالات كلها تحتاج متابعتنا حتى نفلل حجم الضرر عالجسم او نمنعه
الوعي الصحي هو الحل وان تتعلم شلون تتعامل ويه حالتك وترتب وصعك وماتحسها عبئ عليك
كلش هوايه اعرف من طفولتهم وسنين طويله مصابين بالسكر بس مرتبين وضعهم ومهتمين بحيث فحوصاتهم ممتازه وعايشين حياتهم بشكل ممتاز وعادي
لكم مودتي
د.زينه البياتي/طبيبه تغذيه
https://www.facebook.com/zinaclini/
https://instagram.com/albayatyzina?igshid=1uvmggtlwokl8
from د. سيف سمير البياتي