السلام عليكم
اليوم نحجي عن الاسنان الدائمية
الاسنان الدائمية هي 32 سن (8 قواطع, 4 انياب,8 ضواحك ,8 طواحن و 4 اسنان عقل)
تبدا بلظهور من عمر 6 السنوات الى ال13 سنة ماعدا اسنان العقل (اويسمى بلضرس الطاحن الثالث) فيظهر مابين ال17-21 سنة
طبعا هاي معدل…كل شخص اله وقت زمني معين لظهور الاسنان قديتاخر عن المعدل او يتقدم عنة.
ممكن ناس ماتطلع عدهم الاسنان بلتسلسل الموجود بلصوره يااما شي طبيعي وعندهم تاخر بسيط ,او هاي الاسنان عدهم مفقوده, ومن ناخذ اشعة تكون هاي الاسنان ماموجوده…او الاسنان موجوده بس مداتظهر لان مالها مكان بلفك, وهنا حسب الحالة راح يتقرر نوع التداخل الطبي.
هواية ناس تعتقد لان الطفل بعدة صغير بعمر ال6 او ال7 سنوات فهو ماعنده طواحن دائمية ولهذا اذا الطفل اشتكى منهم يهملوا ويعتقدون انه سن لبني وراح يتبدل بوقت قصير.
حتى نحافظ على اسنانة نحتاج :
1.نغسلهم بلفرشة والمعجون الي يحتوي على الفلورايد مرتين يوميا واستخدام خيط الاسنان مرة كل يوم قبل النوم.
2.مراجعة دورية لمعرفة المشاكل بوقت قريب وعلاجها سريعا قبل تفاقمها
3.قد يحتاج الاطفال الى جلسات فلورايد لحماية اسنانهم من التسوس خاصة الاطفال الي يعانون من اسنان لبنية بيها تسوس.
4. ملى الحفر والاخاديد(fissure sealant) الاسنان الطاحنة تحتوي على تضاريس مثل الاخاديد وحفر بطبيعة تكوينها وهذه الاماكن هي اكثر عرضة للتسوس لانها تساعد على تجمع فضلات الطعام.فيمكن ملئها بمادة تمنع التسوس وتحافظ عليها.
5. وهي اهم نقطة الحفاظ على الاسنان اللبنية الى حين موعد سقوطها حتى تحافظلنا على مكان الاسنان الدائمية, فقلع الاسنان اللبنية بوقت مبكر يؤدي الى خربطة بمكان الاسنان الدائمية وتاخر بنمو الفك الي المفروض ينمو بمعدل يخلية يحتوي الاسنان الدائمية عند ظهورها.
تحياتي
د.همسة الدهان
#الاهتمام_بأسنان_الاطفال
