الصورة من زرع ادرار لاحد المرضى في احد الدول مو بالعراق للامانه
🤔 زرع الادرار هو يجيبون ادرار و يزرعون البكتريا اللي بيه و يخلون عليه اقراص مضاد حيوي و يشوفون شنو يشتغل على هذه البكتريا
⭕ اللي تشتغل عليها البكتريا يسموها حساسه sensitive
و يرمز لها بحرف S
و اللي ما يشتغل عليها يسموها مقاومة resistant
و يرمز لها بحرف R
🤔 مثل ما تشوفون البكتريا اسمها كلبسيلا و كلشي ما يشتغل عليها بس واحد فقط مضاد حيوي اللي سعره ما اعرف شكد
⭕ عدد كبير من الاطباء يحاول يقنن من استخدام المضادات الحيوية( شراب الالتهابات ) لغرض التغلب على هذه الظاهره
❤ على طرف نقيض العديد من الاهل و الزملاء الاطباء و الصيادله تصرف مضاد حيوي لابسط شيء و النتيجه؟
النتيجة واضحه بالصورة انتشار المقاومه للبكتريا بحيث صارت البكتريا لا تابه باي شي !
⭕ اتذكر جيدا مضاد حيوي دخل للخدمه لاول مره بالعراق مع بدايه عملي كطبيب و كانت استجابه المرضى لهذا المضاد الحيوي عجيبه
الا ان بعد سنين و فرط استخدامه و في يوم من الايام رحت جمعت 50 نتيجة زرع للادرار من احد مختبراتنا
٣٠ من هذه الزروعات كانت مقاومه لهذا المضاد الحيوي اللي كان يبهرنا بفعاليته !!!
⭕ اليوم كتبت لاول مره مضاد حيوي لاحد مراجعيني و كلتله مع الاسف راح انطيه مضاد حيوي من بعد يمكن 10 زيارات
⭕ فعلا بعض الاطفال يحتاجون للمضاد الحيوي اكثر من غيرهم بس الاعم و الاغلب ما يحتاجون مضاد حيوي
⭕ تصرف اخر يقوي البكتريا و يخليها مقاومه لكل شي هي عدم الالتزام بالجرع و الفتره الموصوفه
⭕ اني و اعوذ بالله من هذه الكلمه اكتب مضاد حيوي و اكتب ابر مضاد حيوي طبعا و لما احسبها طويلا عن حاجه الطفل الفعليه للمضاد الحيوي
⭕ مثل ما كورونا جانا من الصين متاكد انه البكتريا المقاومه لكل شيء راح تطلع من بلادنا او اي دوله من دول العالم الثالث بيها المضاد الحيوي ينصرف كالحلقوم
⭕ البوست هذا موجه لنفسي لزملائي للصيادله الكم انتوا اللي تاخذون العلاج بدون وصفه طبيه
د. سيف سمير البياتي اخصائي طب الاطفال
