الغيره بين الإخوان و الأخوات
راح احجي اليوم عن أفكار عن كيفيه التخلص من الغيره بين الإخوان و الأخوات
١. اولا التعاطف
الكثير من التعاطف مطلوب
مثال ابنك يجي يصيح ماما مصطفى اخذ قلمي
بمكان ما تكوليله لمصطفى يلا رجع قلم اخوك
تكولين لطفلك اكيد هذا القلم مهم عندك و لهذا انت منزعج لان اخذه منك
يعني تفتهمين مشاعره و احاسيسه
٢. العداله
المشكله تبدا من يبدي الام او الاب يميز بين اطفاله
٣. اخذ الشي و انهي الموضوع
اذا شفتهم دا يتعاركون على فد شي اخذه انت و فضها
و دائما ذكريهم اني اخذ اي شي يعيق علاقتكم
٤. العقوبه المثلى اذا كبر الموضوع انت محروم من الايباد او التلفون او التلفزيون لمده اسبوع و طبعا الالتزام من قبلك بالعقوبه راح يعلمهم
٥. قاعده ٣ إلى ١
من تسمع واحد منهم كال لاخوه
انت كلش مزعج
لا تقبل أبدا الا يكوله ٣ جمل حلوات
مثل انت حلو
انت مرتب
انت خوش انسان
تعلمهم ان الاساءه مقابلها الإحسان
٦. خليهم يلعبون سويه و يقضون الوقت سويه
ابعديهم عن التلفزيون و الشاشات
اللعب يؤدي إلى تكوين علاقات بينهم
صح ممكن يكون عنيف بس بالأخير راح يتصادقون
٧. اخلق الوقت و الفراغ حتى تحجي ويه كل واحد منهم على حده
اخبرهم بقصص انه شون اخوه يحبه و شون يسال عليه و شون يهتم بيه من يتمرض
٨. خليهم يكتبون رسائل خلاقه لواحد الاخر اني احبك لان… و خليه يكتب
اي شي و علكيها بمكان تجمع العائله
و لا تنسون المشاركه من الصفحه او نسخ الرابط مباشرة لكي تستخدمه بمنشوراتكم
د. سيف سمير البياتي
اخصائي طب الأطفال
