الفتق
او الفتق المغبني
الفتق هو عيب خلقي بجدار البطن
يخلي الامعاء تنزل باتجاه كيس الصفن ( الخصيه )
الفتق ممكن يظهر باي وقت و تراجع بيه طبيب اطفال
ممكن راسا يشخصه فتق
و ممكن يحتاج سونار
المهم تشخص فتق شنو الحل ؟
عمليه
شوكت ؟
باجر او اليوم او باقرب وقت
ليش ؟
شوف يا عيني هذا الفتق تفوت منه الامعاء و ممكن لاي سبب او اخر تفوت الامعاء و ما تكدر ترجع و تنسد و تختنق الامعاء و تفوت بحاله اسمها الفتق المختنق و بمكان ما عمليه سهله تصير عمليه طارئه و الطارئه اكيد مضاعفاتها اكثر
مو خطيه صغير على العمليه ؟
مو خطية اذا اختنق الفتق عنده ؟
لا تكول لطبيب الاطفال مو خطيه الطفل ؟
طبيب الاطفال لوما الخطيه ما يكول عمليه لوما هي الخيار الافضل و ما يكول العلاج ابره لو ما هو الخيار الافضل و و و
د. سيف سمير البياتي
اخصائي طب الاطفال
تمت مراجعه المنشور مع الدكتور احمد كاظم اللايذ اخصائي جراحه الاطفال رابط صفحته بالتعليقات
