المانع الطارئ
🌸انتي منتظمة على حب منع الحمل ونسيتي حبة
🌸استعمال الواقي الذكري وصار خلل .
🌸صارت علاقة زوجية بدون احتياطات .
ناخذ المانع الطارئ
شنو يشمل وشوكت ناخذه؟
🌸حبوب i-pill تحتوي جرعة مضاعفة من levonogestril 1.5 mg تؤخذ خلال ٧٢ ساعة من حدوث علاقة بدون حماية ونسبة النجاح٨٧٪
اذا صار تقيؤ خلال ساعتين من اخذ الحبة لاي سبب كان يعاد اخذها.
🌸الحبوب الافضل والاقوى حاليا هي حبة Ella One 30 mg تؤخذ خلال ٥ ايام من العلاقة بدون حماية ونسبة نجاحها٩٧٪ .
🌸اللولب النحاسي يوضع خلال خمسة ايام من العلاقة بدون حماية او الاباضة كانت خلال كلش موعدها قريب
ونسبة نجاحه تقريبا مية بالمية .
انتباه 🙏🏼
🌸مو كل وحدة تنسى حبة من حب المانع تاخذ مانع طارئ لا اكو تحتاج واكو لا باجر انزل الكم بوست لنسيان الحبة وشلون نتصرف بدون منحتاج نروح للطبيبة مباشرة 👌🏻.
🌸متوقع انه تتقدم الدورة عن موعدها اذا اتاخرت روحي سوي تحليل حمل🙈
🌸لايحوز استعمال المانع الطارئ بشكل روتيني ولايجوز استعمال نوع ونستعمل نوع ثاني في الشهر الي بعده اذا كنتي تحتاجين لمانع طارئ اكثر من مرة معناها لازم تغيرين الطريقة الي ماشية عليها لان مدتفيدج 👌🏻
بعد استعمال الحبوب الطارئة تبقين لحد موعد الدورة القادم على مانع طبيعي او استعمال الواقي الذكري يعني ميجوز تاخذين حبة المانع الطارئ وترجعين تكملين حبوب منع الحمل 👌🏻.
.
.
.
د رحاب مجيد
https://www.facebook.com/Dr.Rihabmajeed
from د. سيف سمير البياتي