المراهم الستيرويديه
اللي هن من نفس جماعه الدكسن للي يعرف بالاعراض الجانبية للدكسن
المراهم الستيرويديه بيها الكثير الكثير الكثير من الانواع بس اشهرها هي النستاكورت و الدرمودين و الكوادري ديرم و البتنوسام و الهايدروكورتزون و الالفا كورت و موجوده بالخلطات اللي تنباع جاهزه لطفح الحفاظات
هذه المراهم تضعها الام من غير معرفة على مكان الحفاظه من يصير عند الطفل تسلخات جلديه و اكو امهات تستخدمها اصلا كوقاية حنى ما يصير عند الطفل تسلخات !!!
الكارثه هي انه هذه المراهم الجلدية و وضعها على منطقة الحفاظه تقريبا تعني انه انت ناطيه لطفلك دكسن فموي !!!
شوووووون؟
اي نعم شوفي المخطط الصوره واضحه
الامتصاص بما يعادل ٣٠% من الجرعه الكلية في منطقه الحفاظ!!!
نفس قابلية الامتصاص من الجفن!!!!
عجيب
و بالتالي شنو اللي راح يصير ؟
اللي راح يصير هي الاعراض الجانبية كلها للدكسن
اللي هي كثافه الشعر و توقف النمو و ترقق الجلد و حصى الكليه و الضغط و السكري و هشاشه العظم !!!
و مثل ما تشوفون امراض لا حصر لها و مو قليله و مو ظاهره و مع كل الاسف هوايه كانوا يدخلون في صدمات تسمميه لان من مخاطرها انه تضعف المناعه و بالتالي راح يموت الطفل من الجرثومه اللي عاده يكدر يحاربها !!!
دكتور مو خلينا و ما صار شي؟
الموضوع يعتمد على قوه المرهم و كميه المرهم و اذا خليتي مرهم اخر فوكاه او لا و مكان اللي خليتي عليه المرهم
لذلك احذر و امنع و بشده تداول هذه المراهم بدون وصفه طبيه او اطلب عدم استخدامها لفتره اكثر من ٣ ايام للامان
د. سيف سمير البياتي
اخصائي طب الأطفال
