اليرقان الولادي (أبو صفار)
Neonatal jaundice
هو ظاهرة جدا واسعه الانتشار بحيث 60 % من الأطفال مكتملي النمو تصير عدهم و 80 % من الأطفال الغير مكتملي النمو تصير عدهم
السبب هو عدم نضوج بعض انزيمات الكبد و يؤدي إلى اليرقان
اليرقان يبدي بالوجه و ينزل إلى الصدر و البطن و من ثم إلى القدم
اليرقان من الممكن أن يكون خطير و يرتفع إلى معدلات عاليه و بسرعه نتيجه اختلاف الدم أو نتيجه التهاب بكتيري أو نتيجه عدم نضوج الطفل (سبيعي) مثلا
الانتباه أولا للون غرفتك و أن لا يكون الضوء خافت حتى تميزيه اذا صار عنده يرقان عالي أو لا
هل من الممكن أن يكون اليرقان مميت أو مسبب للعوق؟
طبعا اليرقان مميت و مسبب للعوق و عوق شديد ممكن جدا أن يروح تعب 9 اشهر بسبب الإهمال
اي مستوى خطر ؟
ماكو رقم ثابت و إنما نعتمد على وزن و عمر و عمره الجنيني في تحديد مستوى الخطورة
العلاج:
العلاج الرئيسي هو الضوء اللي بالمستشفى و اللي يصير بطول موجي معين و بمسافة 45 سنتمتر من الطفل
يعني انسوا شي اسمه شمعه البيت لأن ما بيها هذا الطول الموجي و هي بعيده عن الطفل حتى لو بيها هم ما يوصل للطفل
الخرافات مال الثوم و مي التفاح و الخرز خرافات لا أكثر نرجو تجنبها و الحالات اللي طابت بالثوم طابت لأن الكبد اشتغل مو الثوم شغله للكبد
نجي على السكر اللي ينوصف من بعض الناس
هذا السكر راح يشبعه للطفل و يخلي ما يرضع و يصير عنده جفاف فراح يصعد أكثر و يوصله مستويات خطره
كملي رضاعتك و استمري عليها وراجعي من يصير عنده يرقان لأقرب مركز صحي
الوقايه : اعرفي فصيلة دمك بالأخص الدم السالب و فصيلة الدم O
اذا كان دمك سالب أو دمك فصيلته O اعرفي فصيلة دم ابنك قبل ما تطلعين من المستشفى فإذا طلع دم ابنك موجب و انت سالب
أو إذا طلع A أو B أو AB و انت فصيلة دمك O
ابنك قد يكون معرض لارتفاع عالي بمستويات اليرقان فراقبيه و راجعي اذا شفتي الارتفاع غير طبيعي
#يرقان
