اليوم البوست عن خزن الاكل و تحضيره
اولا هلو دكتور شكد اكدر اخلي الاكل مال طفل بعد التحضير ؟
بالجو الحار مو أكثر من ساعه بالجو البارد عادي ساعتين بس مو أكثر
زين الزايد شكد ابقيه بالثلاجه اكدر؟
حسب النوعيه طبعا
يعني اللحوم و السمك و الدجاج مو أكثر من ٢٤ ساعه اي يوم كامل
و الخضروات و الفواكه عادي يومين ٤٨ ساعه مو أكثر
و شكد تبقى بالمجمده؟
عادي ٣ اشهر و اختاري ابرد جزء بالمجمده
طيب و بعد ما يطلع من المجمده شون احمي الاكل؟
عادي نزلي بالثلاجه اول شي ٣ إلى ٤ ساعات
وراها تكدرين تقدميه لطفلك اذا يقدم بارد مثل الفواكه
و اذا يقدم ساخن عادي بالمايكرويف او على الطباخ ببطء طبعا
اهم ملاحظه
الاكل بعد الحمي اللي يبقى لا تخزنيه كافي
د. سيف سمير البياتي اخصائي طب الاطفال
