اليوم الموضوع اكيد ما راح يهمكم
لأن هذا اللي اشوفه من عدم اهتمام الاهل من اكولهم انه وزن ابنهم زايد !!!
و بصراحه قسم اني متأكد انه يفرح من أقيس وزنه و اطبقه على جارت النمو و اكوله وزن ابنك فوك الطبيعي !
خلونا من الاخير نحجي مشاكل السمنه
أولا نفسيه : بتجربة نفسيه في أحد الدول الاوربيه جابوا اطفال روضة اطفال و عرضوا عليهم صور لأطفال مختلفين اللي ما حلو و اللي مشوه و السمين و كالولهم اختاروا ويه منو ترفض تلعب أو ما تحب تلعب و كان دائما الاختيار الطفل السمين بحيث تركوا باقي الصور و اختاروا السمين انه ما يلعبون وياه و شوفوا نفسيه الطفل السمين لعد شونها
2. داء السكري الناتج عن مقاومة الانسولين يعني النوع الثاني و بشغلي ما تتخيلون شكد يجون اطفال عدهم سمنه و نسويلهم تحاليل سكر و يطلع عدهم سكري
3. متلازمة الأيض : و هاي متلازمة تتكون من ارتفاع الدهون و ارتفاع ضغط الدم
4. الكبد الدهني: و هو أن تترسب الدهون بالكبد
5. انسداد النفس عند النوم مما يؤدي إلى تضخم القلب
6. تلف رأس عظم الحوض
بس بالعالم الغربي السمنه حاليا مو بازدياد بسبب عودتهم للرضاعه الطبيعيه و بعض العوامل الأخرى
د. سيف سمير البياتي اخصائي طب الاطفال
