اليوم سئلت هذا السؤال و هو عن متى ينهي الملامس عزله الصحي ؟ خلينا بمثال حي عائله من عوائلنا العراقيه بيها الجد و الجدة و ابن متزوج من زوجته و عدهم أولاد اثنين ❤…

اليوم سئلت هذا السؤال و هو عن متى ينهي الملامس عزله الصحي ؟
خلينا بمثال حي
عائله من عوائلنا العراقيه
بيها الجد و الجدة
و ابن متزوج من زوجته
و عدهم أولاد اثنين
❤شوكت تكدر الزوجه تروح لأهلها مثلا بعد أصابه الجد ؟
الزوجه تكدر تروح لأهلها بعد ( عشرة أيام ) من ظهور الاعراض لدى الجد او عملت مسحه باليوم الرابع من اعراض الجد و طلعت سلبيه
❤ زوجه الابن باليوم التاسع للحجر بدت عدها اعراض كورونا شنو تسوي ؟
تحجر نفسها 10 ايام من بدايه أعراضها
❤ تكدر الزوجه تدز أولادها لبيت اهلها؟
لا طبعا لان ممكن يصيرون حاملين للمرض و ينقلون العدوى
❤ شوكت يكدر الجد ينهي عزله؟
بعد 10 إيام من ظهور الاعراض شرط اختفاء الحراره لمده ٢٤ ساعة
المعلومات من وزارة الصحه السعودية
د. سيف سمير البياتي اخصائي طب الاطفال