اليوم مريضه صارلها ٤ اشهر تخلي درمودين عصاره لمنطقه الحفاظه
الدرمودين نفس الاعراض الجانبيه للنستاكورت و الكيناكورت و البتنوسام و الداكتيكورت و غيرها كثير
ممنوع استخدامها دون وصفه طبيه
و ممنوع اكثر من ٧ ايام
و النتيجه سمنه مو طبيعيه و ترقق الجلد و ارتفاع السكر بالدم و التحاليل ضمور بالغده الكظريه ( الغده فوق الكليه )
و راح نبقى على علاج لمده سنه وياها الكثير الكثير من التحاليل
عدم معرفتكم باللي كاعد تخليه لاطفالكم عدم انسانيه
مبدا مو خلينا و ما صار شي
ما صار شي لان ما تشوفين اللي يصير بيهم
لان انت ما عندك مستشفى
و ما تشوفين الحالات اللي تجي
الصورة من النت و تشبه جدا مريضه اليوم
الامانه ثكيله ادري و الله
مو كد الامانه لا تشيليها
لا تسوين اطفال
و لا تتزوجين اصلا اذا مو كدها
د. سيف سمير البياتي
اخصائي طب الاطفال
