اليوم نحجي عن الفلورايد وشنو فايدته وشوكت نستخدمه للاطفال : طبعا الفلورايد بيه هواي شغلات حلوه ومفيده خاصه للاطفال لان يسموه حامي حمى الاسنان من التسوس مصدره الطبيعي هو الماء وبنسب مختلفه من مكان لاخر ويسموه همين مضاد التسوس
بسبب هاي الفوائد للفلورايد اطباء الاسنان يستخدموه ك عنصر وقائي ضد التسوس خاصه بفتره اعمار المدارس الابتدائيه لان بهاي الفتره عدهم قابليه تسوس عاليه بسبب كثره تناول السكريات لذلك يستخدموه اطباء الاسنان موضعيا في العيادت واهم فوائده هي
الوقايه من التسوس لان يلتصق بجزيئات مينا السن ويقاوم البكتريا بهل حاله يقلل التسوس وشغله همين حلوه بيه يقلل حساسيه الاسنان عند الاطفال من الاكلات والمشروبات البارده …
الحلو بلمضووع الفلورايد مو بس يحمي من التسوس لا همين يوقف التسوس اذا استعملناه لاسنان في بدابه مراحل تسويها ….
**يوجد على شكل جل ممكن استخدامه بشكل دوري كل ٦اشهر وبعض الحالات الاطفال اللي عدهم نسبه تسوس عاليه كل ٣ اشهر بمراجعه دوريه لطبيب الاسنان وما افضل استخدامه بلبيت لانه سام اذا بلعه الطفل هو استخدامه موضعي على الاسنان لكم دقيقه فقط …
ملاحظه زغيرونه :بعد الجلسه يمنع الاكل والشرب لمذه نصف ساعه حتى نضمن مباقي منه شي يدخل وي الاكل ويدخل للجسم…
#طبيب_الاسنان
#غيث_حامد_البديري
