ام عاملة وبوظيفة ضعف اوقات الوظائف العادية يوميا وام لاربعة اطفال اثنين منهم بعمر المراهقة واثنين منهم صغار يحتاجون عناية مستمرة نفسيا وجسديا
كوني طبيبة ممكن مفيدة الهم بالترجمة ممكن مفيد ك ام متعلمة وواعية لهواية تغيرات وضغوط يمرون بيها بس الباقي اغلبه مثلكم انتو يا امهات مثلكم افكر شلون ارتب امورهم وشلون الحك عليهم وميحسون بتقصير مني بسبب انشغالي😓🤦🏽♀️
اريد احجي وياكم على المراهقين بنات وبنين
اني ويا الاطفال علاقتنا مثل اختهم الكبيرة بهواية اشياء وباشياء تتطلب الحزم تطلع الام الصارمة الي بداخلي😬صدكوني ابد ابد مو صحيح الاوامر والقوانين واللوم المستمر للاخطاء او التقصير بالدرجات هذا مراهق بلا شي هو يفسر الامور بطرق مختلفة يحجون عليه دائما ميحبوني يضطهدوني اني مظلوم😕😕😕
الامور وياهم لازم تكون اولا واخيرا صداقة وكسب ثقة ومن يطلب شي احنه ممقتنعين بي ماكو داعي للاستهزاءوهذا شنو وذاك شنو احنه دنربي مراهق رح يكبر ويصير والد زين شلون واني هزيت ثقته بنفسه من الاول شوفو نفسكم واتذكرو نفسكم بعمرهم جنتو تحبون المحاسبة الشديدة؟
اني من يطلبون مني او من والدهم شي مبالغ بي او اني ادري ميفيدهم اكول لا بس اناقشهم اكولهم لو تقنعوني لو اقنعكم ونتناقش وبهالشكل يحسون صوتهم مسموع👍🏻
مثلا قبل سنتين بنتي انقبلت بالمتميزات الحمدلله وجان اكو اجتماع لاولياءالامور حول استعمال الايباد المدرسي وتنزل كتب عليه المهم اكو ناس تقبل وناس لا مو مشكلة
بس الصدمة انه اكو كذا ولي امر يفتخر انه اطفاله ميعرفون يستعلمون الايباد او التلفون اصلا!!!!!!
ترة شئنا او ابينا هذا جيل مختلف مو الحل للخوف عليهم انه نحطهم بزجاجة ميدرون شكو براها؟
الثقة المتبادلة صدكوني اساس العلاقة الناجحة بيناتكم
من جانو صغار ما اكذب عليهم حتى تبقى ثقتهم ماما اذا كالت كلمة تسويها النه وبالمقابل صارو يهتمون بمشاعرنالان العلاقة كلها ود
ربي يحفظكم ويحفظ اطفالكم
د رحاب مجيد شريف
from د. سيف سمير البياتي