انا حامل❤️ماهي الخطوة القادمة؟
اكتشفتي انتي حامل اليوم 😍مبروك ويتربى بعزكم ودلالكم 🙏🏼🙏🏼🙏🏼
هسه شنو الي اسوي؟ اني جديدة وما اعرف او صار خمس ست سنوات ماعندي طفل شنو الي اسوي؟
🌸اختيار الطبيبة او الطبيب الي رح تتابعين الحمل وياها لان الحمل والولادة والنفاس تقريبا سنة جدا مهم تختاري طبيبة اولا اختصاص ثانيا واهم نقطة ترتاحين من تحجين وياها لان مهم جدا بالحمل تكونين ويا ناس يساندوج طبيا اضافة الى الاهتمام بالبيت ❤️
🌸حجز باقرب وقت يم طبيبتج الخاصة للتأكد من تحليل الحمل المنزلي او المختبري الي سويتي والتاكد من انه حمل مو غير شي .
🌸لتعلنين الموضوع اذا متزورين الطبيبة وتتاكدين تماما👍🏻.
🌸موعد الدورة تحفظي واذا محافظته حاولي تسجلين شي تقريبي لان مهم جدا بتحديد مدة الحمل🙏🏼.
🌸التحاليل المختبرية : التحاليل الاساسية لكل حامل هي صورة الدمCBCو فصيلة الدم blood group وتحليل ادرار وسكر عشوائي . تحاليل الجرثومة وداء القطط والطيور والحصبة والتخثر مو تحاليل روتينية احنه نسويها من عدنه سبب لطفا🙏🏼.
🌸 رجاء التزمي بالاشياء الاساسية لاتبحثين هواية ولتسوين بحث عالگوكل هواية لان الگوكل ينطيج اشياءعامة اكيد مو اختصاص هو😬.
🌸اذا كنتي متلهفة انه تتابعين اخبار الحمل وشنو الي انتظره بكل شهر نزلي تطبيق الحمل موجود اكثر من واحد وبكل اللغات تنطين موعد الدورة يحسبلج ويشوفج الجنين بكل المراحل.
🌸عيشي فرحة بداية الحمل لانها من حقج ❤️.
🌸رح تبدي اعراض كثيرة اغلبها اعراض حمل طبيعية مو مرضية منكدر نسوي شي بس نحاول نخففها بس ينرادلها صبر وطولة بال.
🌸تغذيتج بهالفترة مهمة نوعا وليس كمية الي تشتهي اكلي والي متكدرين تاكلي لتجبرين نفسج اهمشي سوائل كافية حتى ليصير جفاف👌🏻.
🌸استمعي لجسدك سيخبرك بما يحتاج .
🌸هذه الفتره ستكونين عاطفية جدا🥺 اخذي وقتج ولتحسين بالذنب انتي معذورة حاليا.
🌸انت تقومين بأروع وأنبل مهمة على وجه الارض كوني فخورة بنفسك❤️.
.
.
.
د رحاب مجيد
https://www.facebook.com/Dr.Rihabmajeed
from د. سيف سمير البياتي