انتبهولي لطريقه تحضير الحليب بعد السنة لان اغلب الامساك من وره طريقه التحضير الخطا
الحليب الصناعي بعد عمر سنة
نشرت اكثر من بوست انه نوع الحليب مو ضروره ملحه و ماكو داعي الا حليب خاص و انه بعد السنه مهم جدا اعطاء التغذيه اكثر من الحليب
خصوصا و ان كثره الحليب مقترنه بفقر الدم و الامساك و حتى سوء التغذية
لكن يبقى الحليب البقري من خيارات العائله العراقيه لتغذية اولادها
اللي اشوفه هو الخطا بتحضير الحليب بعد عمر سنه
و الاعتماد على المعادله المستخدمه في تحضير الحليب قبل السنه رقم 1 و رقم 2
لذلك وجب التنويه على التالي:
⭕ لا تصر على الحليب بعد السنه فيمكن تبديله باللبن او الجبن
⭕ مع السلامه للمميه و الرضاعه بالمميه بعد عمر السنه
⭕ الحليب يفضل اعطاؤه بالكوب
⭕ ممكن جدا استخدام الحليب المطعم للاطفال اللي ما يحبون الحليب الغير مطعم
اعرف بيه سكر اضافي بس لا تكثر اكثر من باكيت واحد
⭕ انتبه لطريقه التحضير
و بصراحه ما اريد اكتب اسماء شركات لان ابدا ما احب اروج لاي حليب صناعي بس الطريقه مكتوبه على كل علبه
-احد الشركات كاتبه على منتجها
210 سيسي مع 6 ملاعق
اللي يعادل 7 ارقام و نصف مع 6 ملاعق
-شركه اخرى كاتبه 190 مل نضيفله 5 ملاعق
اللي يعادل 7 ارقام
– حليب الاكياس كاتب 3 ملاعق مع كوب ماء
⭕ مثل ما وصيتك من تشتري حليب رقم 1 و تختاره اول نقطه باختياره اختار اللي يناسب جيبك
هذا هم كذلك اختار اللي يناسب جيبك حتى لو حليب اكياس
⭕ بالعراق فقط هذا الفرط بالترويج للحليب الصناعي بعد عمر السنه و الا كل المصادر تكول عادي خليه يشرب حليب بقري بعد عمر السنه من اي مصدر ما عسى حليب البقر الطازج بس اكيد تغليه
⭕ تذكر دائما اذا طفلك بعد السنه عنده امساك فاغلب الحالات هي نتيجه فرط الحليب
⭕ تذكر الرقم يعادل 28 سيسي
يعني من يكتبلك 200 سيسي مع 6 ملاعق حليب
قسم 200 على 28 راح يكون الناتج 7 ارقام تقريبا
و تكدر تستخدمها باي تعليمات تقراها بالمستقبل
⭕ ممنوع ممنوع ممنوع ممنوع اعطاء الحليب الكامل الدسم قبل عمر السنة
⭕ ليش اكتب هذا البوست؟
لان هوايه يحضروه بطريقه كيله برقم و التالي امساك اكثر و فقر دم اكثر
د سيف سمير البياتي اخصائي طب الاطفال
