انطيه شراب التهابات من البدايه حتى يصير صدره زين و اتلاحكله !! المشكله بهذه الجمله حتى بالقطاع الطبي و الصحي يكولوها و عادي غدد محدود فقط راح يصدك هذا البوست الالتهابات التنفسيه تبدي بسعال او رشح احيانا بعض انواع الفايروسات تفضل اماكن معينه بالجسم مثلا كورونا الفايروس الجديد يفضل نسيج الرئه مال كبار و ما يكدر تقريبا يدخل لرئه الاطفال فتشوفه خفيف بالاطفال شديد عند الكبار !! الفايروس اللي اسمه RSV هو الفايروس اللي يحب القصيبات و هذا يبدي بنشله و بعدين يروح للقصيبات و بما انه القصيبات صغيره عند الاطفال تشوف التهاب القصيبات فقط عند الاطفال و غيرها و غيرها و غيرها هذه الفايروسات تبدي باعراض بسيطه مثل الرشح و ممكن تروح وحدها و ممكن تنزل للقصبات او القصيبات او نسيج الرئه لعده عوامل منها كميه الفايروس و مناعه الطفل و غيرها هيجي يبدي المرض و من الطبيعي جدا يصير عند الطفل ٨ الى ١٢ مره سعال و رشح بالسنة عادي اكو خانه من الاطفال كاعد يتشخصون انه كل مره كاعد ينزل الالتهاب لصدره في حين ان الطفل حالته هي ( الطفل عنده تحسس قصبات و تحفزت بالالتهابات التنفسيه ) يعني ماكو التهاب مجرد الطفل متحفز هذا واحد من الامراض الكثيره نجي للمرض الاخر ٩٠ % من التهاب الامعاء هو فايروسي ياخذ فترته و يروح و تشوف الامهات لازكات فلاجيل و مثبريم و غيرها للطفل لاجل التهاب فايروسي راح ياخذ فترته و يروح و تنسى الامهات بقصد او دون قصد انه المثبريم من اعراضه الجانبيه هي القيء و ان الفلاجيل من اعراضه الجانبيه هو الاسهال و لو تاركه الطفل بلا علاج كان تحسن من زمان من زمااان بعيد جدا و لو اعتمدت على ال BRAT و قللت الحليب كان الطفل خير من الله بس شووووون اذا ما تنطيه علاج و تدمر مناعته خبرتنا بالعلاج لازم تنترك جانبا الطب ما عاد مثل قبل المضادات الحيوية جدا زينه بس اكو دواعي لاستخدامها مو لان صرت زينه عليه استخدمه و ما لازم المناعه و لا لازم كليه و لا يحتاج كبد !! دمتم بصحه و بلا مضاد حيوي و لا الحاجه اله د. سيف سمير البياتي اخصائي طب الاطفال

انطيه شراب التهابات من البدايه حتى يصير صدره زين و اتلاحكله !!
المشكله بهذه الجمله حتى بالقطاع الطبي و الصحي يكولوها
و عادي غدد محدود فقط راح يصدك هذا البوست
الالتهابات التنفسيه تبدي بسعال او رشح
احيانا بعض انواع الفايروسات تفضل اماكن معينه بالجسم
مثلا كورونا الفايروس الجديد يفضل نسيج الرئه مال كبار و ما يكدر تقريبا يدخل لرئه الاطفال فتشوفه خفيف بالاطفال
شديد عند الكبار !!
الفايروس اللي اسمه RSV هو الفايروس اللي يحب القصيبات و هذا يبدي بنشله و بعدين يروح للقصيبات و بما انه القصيبات صغيره عند الاطفال تشوف التهاب القصيبات فقط عند الاطفال
و غيرها و غيرها و غيرها
هذه الفايروسات تبدي باعراض بسيطه مثل الرشح و ممكن تروح وحدها و ممكن تنزل للقصبات او القصيبات او نسيج الرئه لعده عوامل منها كميه الفايروس و مناعه الطفل و غيرها
هيجي يبدي المرض
و من الطبيعي جدا يصير عند الطفل ٨ الى ١٢ مره سعال و رشح بالسنة عادي
اكو خانه من الاطفال كاعد يتشخصون انه كل مره كاعد ينزل الالتهاب لصدره
في حين ان الطفل حالته هي ( الطفل عنده تحسس قصبات و تحفزت بالالتهابات التنفسيه ) يعني ماكو التهاب مجرد الطفل متحفز
هذا واحد من الامراض الكثيره
نجي للمرض الاخر
٩٠ % من التهاب الامعاء هو فايروسي
ياخذ فترته و يروح
و تشوف الامهات لازكات فلاجيل و مثبريم و غيرها للطفل لاجل التهاب فايروسي راح ياخذ فترته و يروح
و تنسى الامهات بقصد او دون قصد انه المثبريم من اعراضه الجانبيه هي القيء
و ان الفلاجيل من اعراضه الجانبيه هو الاسهال
و لو تاركه الطفل بلا علاج كان تحسن من زمان من زمااان بعيد جدا
و لو اعتمدت على ال BRAT و قللت الحليب
كان الطفل خير من الله
بس شووووون اذا ما تنطيه علاج
و تدمر مناعته
خبرتنا بالعلاج لازم تنترك جانبا
الطب ما عاد مثل قبل
المضادات الحيوية جدا زينه بس اكو دواعي لاستخدامها
مو لان صرت زينه عليه استخدمه و ما لازم المناعه و لا لازم كليه و لا يحتاج كبد !!
دمتم بصحه و بلا مضاد حيوي و لا الحاجه اله
د. سيف سمير البياتي اخصائي طب الاطفال

انطيه شراب التهابات من البدايه حتى يصير صدره زين و اتلاحكله !! المشكله بهذه الجمله حتى بالقطاع الطبي و الصحي يكولوها و عادي غدد محدود فقط راح يصدك هذا البوست ال…