اني مضطره انطي حليب صناعي شنو اختار ؟ اولا شوفي امي الحليب الطبيعي لا يعلى عليه اي حليب صناعي و لا يشبهه و لا يقترب منه حتى بس الموضوع و ما بيه انه بعض الأمهات تضطر للحليب الصناعي لان ( لأي سبب كان ) فشون نختار الحليب الصناعي تعالوا نشوف انواع الحليب 1. الحليب المشتق من الحليب البقري و هذا اكثر نوع موجود بالسوق و بيه انواع كثيره و كثيره و اسعار مختلفه تتراوح من اشتري علبه و احصل على الثانيه مجانا إلى ١٤ الف للعلبه و شون اختار الحليب من هذه النوعيه ؟ اصدمكم؟ لو لا ؟ لا خل اصدمكم الموضوع كله نفس الشيء اللي اكوله دائما للأهل اللي يسألوني عن حليب سعره مناسب اكوله اللي يناسب جيبك يناسبني اي اني افضل انواع على انواع أخرى بس كنمو و سعرات حراريه و معادن و أملاح كلها نفس الشي و تدور حول نفس الفلك لا تتعب نفسك يا ابني يا اخي الاب بأغلى حليب الحليب اللي يناسب جيبك هو الأفضل راح تعترض نونه ضاغطتهم و تكولك ابن حنونه بنت اختك شوفها على حليب فلان شون صارت فأنت راسا كوللها كل أنواع الحليب بيها ٦٧ كالوري لكل ١٠٠ سيسي حليب فما راح يفرق و اشتري الحليب اللي يناسب جيبك 2. الحليب المخصص لقليلي النمو Preterm formula هذا حليب مخصص للخدج القليلي الوزن بيه شويه سعرات حراريه أعلى و لما يوصل الطفل للوزن الطبيعي هاهيه نحوله لحليب رقم واحد 3. الحليب المخصص للارتجاع و هذا مكتوب عليه AR و هذا يعطى و يوصف من قبل الطبيب و الشركات مثخنه الحليب بمواد مختلفه امينه 4. تركيبة خاليه اللاكتوز LF و هذه ينطيها الطبيب لبعض حالات الاسهال 5. الحليب المكسر جزئيا HA هذا يوصف لبعض حالات التحسس للحليب البقري و لل يوصف الا بوصفه طبيب 6. حليب حساسيه الحليب البقري المكسر كليا و هذا غالي غالي غالي و هم طبيبك يوصفه و دائما خليه ببالك من تتركين الرضاعه الطبيعيه اختياريا لان ممكن يكون ابنك حساس للحليب البقري و تشترين هذا الحليب الغالي لهنا خلصنا الجزء الأول لأول ٦ أشهر و بعد ال ٦ أشهر شنسوي ؟ عدنا خيارين اما نكمل على نفس الحليب رقم ١ إلى السنه او نحول إلى رقم 2 و ممكن نلاحظ بعض التغييرات مثل الإمساك او الاسهال عادي ابقى على رقم واحد للسنه ؟ اي عادي شكد انطي حليب بعد ٦ أشهر هو المهم فياريت ما يتجاوز ال ١٦ رقم باليوم و الباقي ٣ او ٤ وجبات باليوم و وصلنا السنه شنو انطي ؟ اي حليب يناسب جيبك يناسبني شرط ما تتجاوز الكوبين كوبين ها مو مميه لان انت شاطره و تعرفين ان الاستمرار بالرضاعه الصناعيه بعد السنه يسبب تسوس بالأسنان و يؤثر حتى على تركيب الاسنان الدائميه د. سيف سمير البياتي اخصائي طب الاطفال

اني مضطره انطي حليب صناعي
شنو اختار ؟
اولا شوفي امي
الحليب الطبيعي لا يعلى عليه اي حليب صناعي و لا يشبهه و لا يقترب منه حتى
بس الموضوع و ما بيه انه بعض الأمهات تضطر للحليب الصناعي لان ( لأي سبب كان ) فشون نختار الحليب الصناعي
تعالوا نشوف انواع الحليب
1. الحليب المشتق من الحليب البقري
و هذا اكثر نوع موجود بالسوق و بيه انواع كثيره و كثيره و اسعار مختلفه تتراوح من اشتري علبه و احصل على الثانيه مجانا إلى ١٤ الف للعلبه
و شون اختار الحليب من هذه النوعيه ؟
اصدمكم؟
لو لا ؟
لا خل اصدمكم
الموضوع كله نفس الشيء
اللي اكوله دائما للأهل اللي يسألوني عن حليب سعره مناسب اكوله اللي يناسب جيبك يناسبني
اي اني افضل انواع على انواع أخرى
بس كنمو و سعرات حراريه و معادن و أملاح كلها نفس الشي و تدور حول نفس الفلك
لا تتعب نفسك يا ابني يا اخي الاب بأغلى حليب
الحليب اللي يناسب جيبك هو الأفضل
راح تعترض نونه ضاغطتهم و تكولك ابن حنونه بنت اختك شوفها على حليب فلان شون صارت فأنت راسا كوللها
كل أنواع الحليب بيها ٦٧ كالوري لكل ١٠٠ سيسي حليب فما راح يفرق و اشتري الحليب اللي يناسب جيبك
2. الحليب المخصص لقليلي النمو
Preterm formula
هذا حليب مخصص للخدج القليلي الوزن بيه شويه سعرات حراريه أعلى و لما يوصل الطفل للوزن الطبيعي هاهيه نحوله لحليب رقم واحد
3. الحليب المخصص للارتجاع
و هذا مكتوب عليه AR
و هذا يعطى و يوصف من قبل الطبيب
و الشركات مثخنه الحليب بمواد مختلفه امينه
4. تركيبة خاليه اللاكتوز LF
و هذه ينطيها الطبيب لبعض حالات الاسهال
5. الحليب المكسر جزئيا HA
هذا يوصف لبعض حالات التحسس للحليب البقري و لل يوصف الا بوصفه طبيب
6. حليب حساسيه الحليب البقري المكسر كليا
و هذا غالي غالي غالي
و هم طبيبك يوصفه
و دائما خليه ببالك من تتركين الرضاعه الطبيعيه اختياريا لان ممكن يكون ابنك حساس للحليب البقري و تشترين هذا الحليب الغالي
لهنا خلصنا الجزء الأول لأول ٦ أشهر و بعد ال ٦ أشهر شنسوي ؟
عدنا خيارين اما نكمل على نفس الحليب رقم ١ إلى السنه
او نحول إلى رقم 2 و ممكن نلاحظ بعض التغييرات مثل الإمساك او الاسهال
عادي ابقى على رقم واحد للسنه ؟
اي عادي
شكد انطي حليب بعد ٦ أشهر هو المهم
فياريت ما يتجاوز ال ١٦ رقم باليوم
و الباقي ٣ او ٤ وجبات باليوم
و وصلنا السنه شنو انطي ؟
اي حليب يناسب جيبك يناسبني شرط ما تتجاوز الكوبين
كوبين ها مو مميه
لان انت شاطره و تعرفين ان الاستمرار بالرضاعه الصناعيه بعد السنه يسبب تسوس بالأسنان و يؤثر حتى على تركيب الاسنان الدائميه
د. سيف سمير البياتي اخصائي طب الاطفال

from د. سيف سمير البياتي

اني مضطره انطي حليب صناعي شنو اختار ؟ اولا شوفي امي الحليب الطبيعي لا يعلى عليه اي حليب صناعي و لا يشبهه و لا يقترب منه حتى بس الموضوع و ما بيه انه بعض الأمهات…