بدا موسم السعال و الرشح ( النشله)
منو من أطفاله ما يعاني من جرح الأنف أو احتقان الأنف الخارجي في حالات السعال و الرشح ( النشله) بسبب كثره استخدام المناديل الورقيه ؟
ببساطه الموضوع من السهل تجنبه بالخطوات التاليه
١. خلي فازلين على الجهه الخارجيه للانف او اي مرطب بشره
٢. استخدم المناديل الورقيه الخفيفه و الغير خشنه و الأفضل استخدم اللي بيها مثل الزيت اذا متوفره يمك
و لا تستخدم الكلينس المرطب لان ممكن يزيد الطين بله اصلا
٣. اذا تأثر انفك و بدأ يتقرح دائما سوي كمادات الأنف
ببساطه مجرد قطعه قماش نظيفه و اغسلها بماء دافي و خليها على الأنف
وره ما تشيل هذه الكماده رأسا خلي الفازلين او مرطب البشره على أنفك
٤. قلل عدد مرات سحب الأنف
بالأخص اذا كنت وحدك و عادي الموضوع مو كلش مهم كمظهر
٥. بمكان ما تنظف الأنف مثل الصوره سد منخر و انفخ عبر الآخر حتى يطلع كلشي
٦. لا تنسى علاجات النشله العامه من الكعده بمكان بيه بخار مثل حمام الساونا او تخلي مصدر بخار بالغرفه او باستخدام قطرات المي و الملح
د. سيف سمير البياتي
اخصائي طب الأطفال
#انسداد_الانف
