بعض الاشياء البديهيه صرت اكول عفيه بالامهات و عاشت ايدك و عفيه يا بطله عليها
مدا اقصد الرضاعه الطبيعيه طبعا
اللي هي اكيد الافضل و الاحسن لطفلك
اقصد امور روتينيه عامه
مثلا ؟
ما تكعد طفلها حتى يرضع !
صرت اتفاجيء انه حلو تترك طفلها ينام بدون ما تكعده و تزعجه
خلونا نعرف شنو الطبيعي
الطبيعي انه الطفل اول ما يجي معدته صغيره
و لهذا يحتاج كميات قليله من الحليب و اكيد و بديهي عدد مرات اكثر
لهذا نكول #ما_يصير_تمر_اكثر_من_٤_ساعات_بلا_رضاعة !
اي كعديه باول اسبوعين اذا مرت ٤ ساعات بدون رضاعه
و بعدها ممكن ينام ٤ ساعات اتركه؟
اي ينترك عادي
تبدي عدد الرضعات تقل شيئا فشيئا
و يبدي المعدل يقل
ماكو طفل يشبه طفل
اعرف اطفال بعمر ٦ اسابيع ينامون ٨ ساعات الليل بدون رضاعه عادي
و الكثير من الاطفال ينامون بعمر ٣ اشهر لمدة ٨ ساعات عادي بدون رضاعه
نؤكد ان ذلك يستثنى منه بعض الضوابط اللي يعطيها الطبيب لمراجعيه لاسباب مرضيه
امي اختي
الرضاعه مثل ما امي و امكم رضعوكم طبيعي او صناعي
الرضاعه عند الطلب
يعني الطفل يطلب الرضاعه يعطى
ماكو جدول اسمه كل ساعتين او كل ٣ ساعات الا اذا طلب ذلك منك طبيبك
د. سيف سمير البياتي اخصائي طب الاطفال
الصورة لامهاتنا و اباؤنا من يسمعون الرضاعه صارت جداول و مواقيت وراهم
