بعض المفاهيم المغلوطه و تصحيحاتها ❎ من تجيبين قيصريه و ما بيك تكومين على طفلك او تعبانه بعد الولاده الطبيعيه ننطي الطفل شويه مي و شكر !!! ✅ الساعه الاولى بعد الولاده يسموها الساعه الذهبيه هذه اول لقاح لطفلك و حصيله تعب ال ٩ اشهر اللي مضت جدي و اجتهدي و حاولي ترضعين طبيعي الحليب اللي ينزل اول ساعات بعد الولاده هو الصمغه و هذا عباره عن بروتين عالي يشبع الطفل و بيه جرعه مناعه عاليه و خلايا حيه توصل الى ١٦٠ الف خليه بالسيسي كميه هذا الحليب من الجهتين هي ٢ ملعقه طعام !! و يشبع ؟ طبعا يشبع معدته بكد الكرزه ضبط مو اكثر و المي و شكر شيسوي ؟ ما يسوي شي غير يشبعه و يسد نفسه و احتمال يخليه يتقيء ما تكدرين ترضعيه؟ رضعي مميه ( ببرونه ) بببرونه قياسها مضبوط و معقمه تعقيم مضبوط و بحساب الحليب مضبوط لا تخفيف و لا تثخين نريد نبدي صح و مو نعرض الطفل اللي مولود توا للجراثيم و هو مناعته جدا جدا قليله #ابدي_صح ❎ من يصير بالطفل ابو صفار تعلكين ثوم برقبته او تخلين شمعه فوق راسه او تخلين كاسه لبن بصفه او تشرحون اذانه !!! ✅ ابو صفار يصير لدى ٨٠ من الاطفال اللي ينولدون مبكرا و يصير عند ٦٠% من الاطفال اللي ينولدون بموعدهم و ضوء الشمعه اصلا ما بيه الطول الموجي اللي يكسر جزيئات ابو صفار و لا اله علاقه و مجرد يخرب نومته و نومه امه لا اكثر و الحل؟ نراجع طبيب اولا ممكن اصلا ما يحتاج تحليل لا ننسى عوامل الخطوره لابو صفار اولا الطفل غير مكتمل ! ثانيا صنف الدم للام سالب و للطفل موجب ثالثا صنف الدم للام O و الطفل A او B رابعا ابو صفار اللي يظهر خلال اول ٢٤ ساعه و هذا يستدعي انه تعرفين فصيله دم طفلك قبل ما تطلعين من المستشفى اذا دمك سالب او O لا الضوء و لا الثوم و لا سكر العنب ينزل ابو صفار بالعكس يزيده اكثر لا ننسى معلومه كلما يكبر الطفل كلما يقل الخطر مال ابو صفار و بالاخص لما يعبر الاسبوع عندي منشور طويل جدا على ابو صفار راح اعيد نشره بعد كم يوم اثير نقطه هنا انه اشوف بعض التعليقات و البوستات في بعض الكروبات انه نسبه ابو صفاره هلكد شنو اسوي ؟ القرار يعتمد على العمر الجنيني ( كامل او لا ) العمر بالساعات يعني اللي عمره ساعه يفرق عن اللي عمره ٥٠ ساعه لنفس النسبه و الوزن و الحاله العامه و فصائل الدم اللي ذكرتها ❎ الطفل اللي عنده فتق سره خليله حزام !! ✅ فتق السره يصير عند ٤٠ % من الاطفال و هيجي هيجي يضمحل و يروح و نادرا ما يصير بيه مضاعفات و خلال ١٥ سنه و اني طبيب ما شفت فتق سره مختنق لذلك ارمي الحزام و لا تضايقين طفلك لا تخلين لا حزام و لا فلس و لا غير شي ❎ اللقاح الاول ياخذوه بعد الاسبوع باي وقت !! ✅ لقاح التهاب الكبد يفضل ياخذه الطفل باول ١٢ ساعه اشوف تاخير كبير باللقاح الاول و مسميه لقاح الاسبوع لان ينوخذ لازم خلال الاسبوع الاول مو بعد الاسبوع الاول و مثل ما اسلفت خلونا نبدي صح ❎ اشمم الطفل ٤٠ عطر باربعينه او ٧ عطور باربعينه !!! ✅ لسه اتذكر الطفل اللي كانوا مستعجلين و مشمميه عطر الحنه و طلع الطفل عنده داء الباقلاء و وصل باخر نفس لولا نلحكله بفضل الله طبعا ثم منين هذا الفكر ما ادري ❎ ما اطهره بعده صغير يتاذى خطيه !! ✅ الطهور كلما ابكر كلما اقل مضاعفات بامريكا يتم ثاني يوم و رسولنا موصي بسابع يوم و اليهود يطهرون بثامن يوم بقاء هذه الجلده الصغيره راح يزيد خطر الاصابه بالتهاب المسالك البوليه ١٠ الى ٣٠ ضعف و يزيد مضاعفات الجراحه ٣ اضعاف اذا تاخر بعد شهر لذلك اؤكد الطهور افضل شي مبكرا باول شهر ❎ وصل للسنه و بعده ما ماشي انطيه كالسيون بالحليب و هسه يمشي !! ✅ ابره الحليب كاعد تصرف بشكل خطا مع شديد الاسف و مو بهذه الجرعه ابدا و الجرع هي اقل بكثير عما توصف له هذه الحالات البديل؟ فيتامين دي طبعا و حسب الجرع و اللي تختلف من قطاره لاخره و عندي بوست مفصل عنها ❎ يمعوووده انطيه اكل من ال ٤٠ يوم حتى يربرب ! ✅ اقل فتره للاكل هي ٤ اشهر اللي هي ١٢٠ يوم الى ١٨٠ يوم اللي هي ٦ اشهر و حسب شروط منزلها ببوست اهمها مضاعفه وزن الولاده و القدره على اسناد الراس و اي اعطاء اكل للطفل قبلها يعتبر جريمه لان لا انزيماته الهاضمه مستعده و لا الطفل مستعد ❎ حااااره حاره انطيه مي !! طبعا اللي يكولها هي نفسها مغطيه الطفل بتموز و اب العراق ✅ الطفل لا يحتاج الى ماء باول ٦ اشهر لان الحليب الطبيعي و الصناعي بيه ماء بنسبه ٨٨ % و اللي تكول اكو نبات يعيش بدون ماء اكول ليش هو النبات يرضع طبيعي لو صناعي ! د. سيف سمير البياتي اخصائي طب الاطفال

بعض المفاهيم المغلوطه و تصحيحاتها
❎ من تجيبين قيصريه و ما بيك تكومين على طفلك او تعبانه بعد الولاده الطبيعيه ننطي الطفل شويه مي و شكر !!!
✅ الساعه الاولى بعد الولاده يسموها الساعه الذهبيه
هذه اول لقاح لطفلك و حصيله تعب ال ٩ اشهر اللي مضت
جدي و اجتهدي و حاولي ترضعين طبيعي
الحليب اللي ينزل اول ساعات بعد الولاده هو الصمغه و هذا عباره عن بروتين عالي يشبع الطفل و بيه جرعه مناعه عاليه و خلايا حيه توصل الى ١٦٠ الف خليه بالسيسي
كميه هذا الحليب من الجهتين هي ٢ ملعقه طعام !!
و يشبع ؟
طبعا يشبع
معدته بكد الكرزه ضبط مو اكثر
و المي و شكر شيسوي ؟
ما يسوي شي غير يشبعه و يسد نفسه و احتمال يخليه يتقيء
ما تكدرين ترضعيه؟
رضعي مميه ( ببرونه ) بببرونه قياسها مضبوط و معقمه تعقيم مضبوط و بحساب الحليب مضبوط لا تخفيف و لا تثخين
نريد نبدي صح
و مو نعرض الطفل اللي مولود توا للجراثيم
و هو مناعته جدا جدا قليله
#ابدي_صح
❎ من يصير بالطفل ابو صفار تعلكين ثوم برقبته او تخلين شمعه فوق راسه او تخلين كاسه لبن بصفه او تشرحون اذانه !!!
✅ ابو صفار يصير لدى ٨٠ من الاطفال اللي ينولدون مبكرا و يصير عند ٦٠% من الاطفال اللي ينولدون بموعدهم
و ضوء الشمعه اصلا ما بيه الطول الموجي اللي يكسر جزيئات ابو صفار و لا اله علاقه و مجرد يخرب نومته و نومه امه لا اكثر
و الحل؟
نراجع طبيب اولا
ممكن اصلا ما يحتاج تحليل
لا ننسى عوامل الخطوره لابو صفار
اولا الطفل غير مكتمل !
ثانيا صنف الدم للام سالب و للطفل موجب
ثالثا صنف الدم للام O و الطفل A او B
رابعا ابو صفار اللي يظهر خلال اول ٢٤ ساعه
و هذا يستدعي انه تعرفين فصيله دم طفلك قبل ما تطلعين من المستشفى اذا دمك سالب او O
لا الضوء و لا الثوم و لا سكر العنب ينزل ابو صفار بالعكس يزيده اكثر
لا ننسى معلومه
كلما يكبر الطفل كلما يقل الخطر مال ابو صفار و بالاخص لما يعبر الاسبوع
عندي منشور طويل جدا على ابو صفار راح اعيد نشره بعد كم يوم
اثير نقطه هنا انه اشوف بعض التعليقات و البوستات في بعض الكروبات انه نسبه ابو صفاره هلكد شنو اسوي ؟
القرار يعتمد على العمر الجنيني ( كامل او لا ) العمر بالساعات يعني اللي عمره ساعه يفرق عن اللي عمره ٥٠ ساعه لنفس النسبه و الوزن و الحاله العامه و فصائل الدم اللي ذكرتها
❎ الطفل اللي عنده فتق سره خليله حزام !!
✅ فتق السره يصير عند ٤٠ % من الاطفال و هيجي هيجي يضمحل و يروح و نادرا ما يصير بيه مضاعفات و خلال ١٥ سنه و اني طبيب ما شفت فتق سره مختنق
لذلك ارمي الحزام و لا تضايقين طفلك
لا تخلين لا حزام و لا فلس و لا غير شي
❎ اللقاح الاول ياخذوه بعد الاسبوع باي وقت !!
✅ لقاح التهاب الكبد يفضل ياخذه الطفل باول ١٢ ساعه
اشوف تاخير كبير باللقاح الاول و مسميه لقاح الاسبوع لان ينوخذ لازم خلال الاسبوع الاول مو بعد الاسبوع الاول
و مثل ما اسلفت
خلونا نبدي صح
❎ اشمم الطفل ٤٠ عطر باربعينه او ٧ عطور باربعينه !!!
✅ لسه اتذكر الطفل اللي كانوا مستعجلين و مشمميه عطر الحنه و طلع الطفل عنده داء الباقلاء و وصل باخر نفس لولا نلحكله بفضل الله طبعا
ثم منين هذا الفكر ما ادري
❎ ما اطهره بعده صغير يتاذى خطيه !!
✅ الطهور كلما ابكر كلما اقل مضاعفات
بامريكا يتم ثاني يوم
و رسولنا موصي بسابع يوم
و اليهود يطهرون بثامن يوم
بقاء هذه الجلده الصغيره راح يزيد خطر الاصابه بالتهاب المسالك البوليه ١٠ الى ٣٠ ضعف
و يزيد مضاعفات الجراحه ٣ اضعاف اذا تاخر بعد شهر
لذلك اؤكد الطهور افضل شي مبكرا باول شهر
❎ وصل للسنه و بعده ما ماشي انطيه كالسيون بالحليب و هسه يمشي !!
✅ ابره الحليب كاعد تصرف بشكل خطا مع شديد الاسف و مو بهذه الجرعه ابدا و الجرع هي اقل بكثير عما توصف له هذه الحالات
البديل؟
فيتامين دي طبعا
و حسب الجرع و اللي تختلف من قطاره لاخره
و عندي بوست مفصل عنها

❎ يمعوووده انطيه اكل من ال ٤٠ يوم حتى يربرب !
✅ اقل فتره للاكل هي ٤ اشهر اللي هي ١٢٠ يوم الى ١٨٠ يوم اللي هي ٦ اشهر و حسب شروط منزلها ببوست
اهمها مضاعفه وزن الولاده
و القدره على اسناد الراس
و اي اعطاء اكل للطفل قبلها يعتبر جريمه
لان لا انزيماته الهاضمه مستعده و لا الطفل مستعد

❎ حااااره حاره انطيه مي !!
طبعا اللي يكولها هي نفسها مغطيه الطفل بتموز و اب العراق
✅ الطفل لا يحتاج الى ماء باول ٦ اشهر لان الحليب الطبيعي و الصناعي بيه ماء بنسبه ٨٨ %
و اللي تكول اكو نبات يعيش بدون ماء
اكول ليش هو النبات يرضع طبيعي لو صناعي !
د. سيف سمير البياتي
اخصائي طب الاطفال

بعض المفاهيم المغلوطه و تصحيحاتها ❎ من تجيبين قيصريه و ما بيك تكومين على طفلك او تعبانه بعد الولاده الطبيعيه ننطي الطفل شويه مي و شكر !!! ✅ الساعه الاولى بعد ال…